Anihiburu 10:14 - IWE ỌNỊNỊ

¹⁴ Ịsọvọ ụpẹ ọnya kẹnẹ Ìkirisiti mẹ nị. Dị ọ sị mẹ ka aza ọnị ọnị sị vara aza anị ọnịnị, ẹ̀ kụkụ vị ọyịgụ pooro zịna-zịna nị.

Anihiburu 10:14 Referans Kwoze

Anihiburu 10:1

Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Anihiburu 13:12

Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Odeyi 26:13

Taarụ, m màa na óze ụmẹ ọọdụ, di mi re ẹtohweyi ana hụrẹ ẹbẹẹba vẹ nị. Ô hweyi huna ọyị. Dị ọ zẹtẹ kara mị ọnịrị aza ẹnẹ ẹmịrịị zị.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.