Biblia Todo Logo
Bib sou entènèt

- Piblisite -




Anihiburu 10:11 - IWE ỌNỊNỊ

11 Avaba ohirẹsụ irehi Ohomorihi vị anaā jẹẹ, dị aa mẹ̀ ụkọrọ anị eyinị-eyinị, dị aa mẹ̀ ịsọvọ ọnyọọnya ụpọsa-ụpọsa. Ama ịsọvọ ẹnẹẹ ẹ yị zụ sị ịvị aza kwooze vụrụ-vụrụ.

Gade chapit la Kopi




Anihiburu 10:11
21 Referans Kwoze  

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.


Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.


Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ.


Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.


Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ.


Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.


Ọ kà hụrị ụmẹ ana sị za ịsọvọ eyinị-eyinị ọ yị mẹ hi Ohomorihi jẹẹ ọnịrị ụmẹ ana sị sị ịsị eenyisi na jẹẹ ịnị irehi Ohomorihi vaa gụ ẹkụhị akahị tụra ịrẹka tụra ẹnarẹẹwụ (1,290). Ịsị eenyisi ọnọnị vaa vị ayodu yị aza, dị ọ mẹ ka à sị a kụkụ nyị aza ịnị irehi Ohomorihi.


Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.


Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.


Ọnị mẹ vavọọ aa yị mẹ̀ aduwa, dị ọnị vene ré Igebirẹẹrị ọnị ọnị vịdị ré ịnị ẹtẹ ịpaapa ọnị ọnị ré nị. Dị o hira hẹẹ ve tu ọnị nị. Ụmẹ anaā sịị mẹ̀ ịsọvọ oruva ọ vavọọ sị vẹ nị.


Ọpanyị ọnọọ ộ hyakụ kụ hịrẹ ọdọvịdị isoja ẹbẹẹba, dị ọ ka asị a kụkụ mẹ̀ ịsọvọ hi Ohomorihi a mẹ̀ vịdịị mẹ̀ ẹ eyinị-eyinị nị. Ịzị aā yàa hẹkẹ Ohomorihi vị ọnị ọ hyakụ du va hi ẹtẹ bẹẹ.


Ịpa ọnọọ ọ vaa vị Óhomorihi ịnị ẹtẹ ọnọọ ana á sị tịtẹ yị ohirẹsụ irehi Ohomorihi nịnị anaa mẹ̀ ụkọrọ yị Ẹnẹyịmavara ịnị irehi anị nị. Ịzọọ á vaa dà irehi ẹnịnị ọnịrị irehi Ohomorihii hi nị.


Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.


Avọọ ẹ mẹ rẹẹ̀ va mẹ̀ ịsọvọ ịsọyịrị ana aa rị ịra ẹkụhị ịhịmba ọnị agụ anị vee hine Ẹnẹyịmavara ayị. Ọsọnị vị ana a mẹ beri ịsọvọ ana a rị ịra ọnịrị eche eyinị-eyinị.


Eyinị-eyinị waā wụ imaaru dị wa sị mẹ̀ ịsọvọ agụvị ịvị ana aza mẹ agụvị dị à zụ vagu wa. Ịsọvọ ọnọọ vị ọnị ụ vaa sị gụ ụta ọnọọ ẹngụ, dị ụ va sị angwẹ ẹtụtụ ọchị ana aā hị́ orivi dị ụ ká a kú ọ dị ọ̀ sị zụ̀ ka ẹma nyị nị.


Sị ị nyẹngụ sịị va yị Ẹnẹyịmavara kẹ? Sị ẹ vị ịsọvọ ọnị vaa sị va yọ? Ị yaa vaa tana tụra ẹtẹ ọvịdị anị beri ịsọvọ ezi imaaru ịrayị ọnya ana aā rị ịraa yọ?


Aha ọnịnị keekere ọ́nị yà aa mẹ̀ ụkọrọ anị nị. Ịzọọ ọ vị aha obooro oni Ohomorihi yà nị. Ọnị ụvọta ọ dàa nị; ayị vị ọza ọ dà ọnọọ.


Àa vị ẹhẹ ọ yà nị, ọ yị yaanị zụ vị ohirẹsụ irehi Ohomorihi, agụvị ka áa nyị aza ana sị vị ohirẹsụ irehi Ohomorihi da, ana aa mẹ̀ ịsọvọ, anka Ímosiisi mẹ̀ mẹ ọda.


Swiv nou:

Piblisite


Piblisite