Anihiburu 10:1 - IWE ỌNỊNỊ

¹ Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.

Anihiburu 10:1 Referans Kwoze

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

Anihiburu 9:11

Ama Ikirisiti ọ zị vẹ booro aanị. Ọnị ọ vị ohirẹsụ ọbanyị irehi Ohomorihi ana aa sị ịsa ozozaa vẹ nị. Ọnị ộ mẹ̀ ụkọrọ anị ịnị ajẹngụ ana banyị hu, di o re zoza hu. Ẹ yị vị aza ẹ mẹ ịzọọ, ọ yị hyakụ yà ịnị ẹhẹ ọnọnị.

Anikorasi 2:17

Ịsa ẹnẹẹ vị uhwoto ịsị ẹ vaa vẹ kẹnẹ. Ịsa ọnọọ ụvọta ọ vị Ikirisiti nị.

Anihiburu 9:23

Ẹnya ahẹkẹ ẹnẹẹ ana ahịka vị ẹyaa sịị zụ̀ ịsa obooro ana yà ẹbẹẹba nị; áa nyị ka à vavọọ vara wa ọnịnị. Ịsa obooro ẹnẹẹ ana yà ẹbẹẹba, áa nyị ka à mẹ̀ ịsọvọ ene huna avọọ, dị ọ vara wa ọnịnị.

Anihiburu 9:25

Avaba ohirẹsụ ọbanyị irehi Ohomorihi vị anaā ngụ Aha Ọnịnị (ini irehi Ohomorihi) ịrayị-ịrayị. Dị a hị́ ka anya uye ọ sị na nị, ayị vị anya ẹngụ anị. Ama ẹ yị nyị ka Ikirisiti ọnị ọ̀ọ sị ẹngụ anịị mẹ̀ ịsọvọ ụmẹ tụra ụmẹ.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Anihiburu 7:11

Anisirẹrị nịnị ệ dọ Imerikizẹdẹkị ọda, Ánireevi màa mẹ ohirẹsụ irehi Ohomorihi. Ụkọrọ ẹnịnị ọnọọ ọ̀ọ yaanị zụ mẹ ka aza ẹ̀ gụ, ẹ yị yaanị nyị ka à nyị ohirẹsụ ọsa anka Imerikizẹdẹkị; vị a yaanị aa kà a ka anka Eerọnị nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Ireevi 9:16

Eerọnị ộ rẹ sị ịsụpa ana aa sịị mẹ̀ ịsọvọ ana aa rị ịra, dị ọ mẹ̀ ẹ anka ọda mẹ kà a nị.