Anihiburu 1:4 - IWE ỌNỊNỊ

⁴ Ohomorihi ộ mẹ̀ ka Ozi anị ọ̀ nyị ụbanyị huna anggẹẹrị nịnị anka ị́rẹha ọnị ọ sị yọ mè huna ịrẹha ẹnịnị.

Anihiburu 1:4 Referans Kwoze

Anẹhwẹsọsị 1:21

Ikirisiti ọ kụkụ nyị ẹbẹẹba avaba anggẹẹrị ọnụkata nị, ọnịrị avaba aza ana nyị ọda ọnịrị ụkata beri ohinọyị nịnị nị. Ọnị ọ nyị ẹbẹẹba ịsa tụra ịsa ọnị ọza ọ̀ọ hị́ ẹngụ anị ịnị ẹhẹ ọnọnị ọnịrị ịnị ẹhẹ ana aa vẹ nị.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

Anikorasi 2:10

Ọnị ọ nyị ẹbẹẹba anggẹẹrị nịnị ana nyị ụkata nị. Ẹwụ rị ọ ọ̀ọ sị vị ọnya nịnị, wa sị gụ nịnị.

Anikorasi 1:18

Ijeesu ọ vị ohirẹsụ anịragụ Ohomorihi anka ị́rẹsụ ọza maà sị oze zụ̀ ẹngụ ana vọ. Anịragụ Ohomorihi vị ana jẹẹ yị ẹngụ Ikirisiti. Ọnị ọ vị ọọnyị nị. Ọnị ọ vị ọnịpaapa ana ha kwẹẹtẹ hụụnị isu agụvị dị ọ̀ nyị ẹbẹẹba avaba ịsa nị.

Anihiburu 1:9

Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

Anihiburu 12:17

Wáa yẹ nịnị ka ô vene sì pooro ka ada anị ọ̀ mẹ ka ò zé yị ọnị, ama ada anị ô yi. Iisọ ộ hyakụ yị sị ẹgọ sì oze ka oni ò tenyi ịsa ọnị ọnị vịdị mẹ, ama o yi kuku re oze.