Anihiburu 1:14 - IWE ỌNỊNỊ

¹⁴ Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Anihiburu 1:14 Referans Kwoze

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Ịdanịyẹrị 6:22

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Odeyi 12:7

Kẹnẹ, dị anggẹẹrị Ohomorihi vana va jẹẹ ịzọọ dị ẹtẹ hweyi ini irehi ẹngwa nị. Dị anggẹẹrị ọnọọ sị ụvọ nya Ipita ịza, dị ọ ha a, dị ọ ka ọ̀ wụsẹ kwẹẹtẹ nị. Dị ẹba ẹnẹẹ wụsẹ ngwara hụụnị ụvọ Ipita nị.

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Iruuku 2:9

Dị anggẹẹrị Ohomorihi vana hụrẹ hi wa nị; dị igirima Ohomorihi aa zẹtẹẹ kara wa nị. Dị angwa ee hí wa ẹtẹẹtẹrẹ nị.

Iruuku 2:13

Kẹnẹ, dị anggẹẹrị ọrụrụ-ọrụrụ jịnẹ hụrẹ ẹbẹẹba ve tù anggẹẹrị ịsọọnị nị. Dị ẹyaa jị ahẹ ga Ohomorihi, dị ẹ ka:

Ahẹ Ụgama 104:4

Ahị ọnịrị ịra ana aa dà ụ sị mẹ ọnụtụ awụ nị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Ịtayịtọsị 3:7

Ohomorihi ộ jịhịị yị ini oze ayamva anị, agụvị avọọ ị vaa yara ị́dị Ohomorihi pooro zịna-zịna. Ịsị yaa tụra eyi anị ọ vị ọnọọ nị.

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Ijudi 1:14

Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị,

1Ipita 1:4

Ị rẹ vaa dọ ẹyịza oni Ohomorihi sị tẹ tụ́ ịnị ihinẹba yị aza anị. Ẹ yị nyị ịsị e zụ du ẹyịza ẹnẹẹ vụrụ-vụrụ, ẹ yị ma rẹ sa.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

Anihwiripi 2:25

Mèe roo ka áa vọrọ ka ma tụ́ Ẹpahwịrọdịtụsị vavẹ ve tù wu nịnị. Ẹmịrị ọ dudu vị ọdọwụ. Ẹmịrị ọ ore dudu mẹ̀ ụkọrọ, di i re dudu và ụvọ bẹ kụ́ ịrẹkụ nị. Ọnị ụ tụ́ vẹ nịnị ka ọ̀ va gụ mị ụvọ ini oze ịsa ọnị mẹ yị nyị nị.

2 Anịkọrịntị 9:12

Ẹyịza ọnị ụ mẹ nịnị aanị, ẹ yị vị ịsị aza Ohomorihi ẹ̀ yị nyị kẹnẹ ụ sị yị wa. Ama ọ rẹ vaa mẹ ka aza ẹ̀ẹ kụ́ Ohomorihi avọ ẹtẹẹtẹrẹ.

Aniroomi 15:27

Ẹnị ụvọta ẹ sị ayị sị ọọ ka ẹnị aa mẹẹ nị. Ịzẹyịza â vọrọ ka ẹ̀ vavọọ mẹẹ yị wa. Aniju nịnị ẹnịrị Anigiriki èe dudu gà ịsa Ohomorihi; a rẹ vọrọ ka aza ẹnẹ ẹ̀yị vị Aniju, ẹnịrị Aniju ẹnị ẹ̀ rẹ gà ịsa ẹhẹ ọnọnị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Aniroomi 13:6

Iruvo ọnị ụ raa sị tụ́ ẹkẹhị irehi nịnị, ọ vị ọnọọ nị, agụvị ka aza ana nyị ọda vị ezi ahụ Ohomorihi, ẹ màa mẹ̀ ụkọrọ ẹnịnị ọnọnị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 11:22

Anịragụ Ohomorihi Íjerusarẹmị ệ wụ́ ịrẹyị ọnọọ, dị ẹ tụ́ Ịbanabasị nọ Antịyọkị nị.

Iruuku 1:23

Ộ da kù chee ẹ́kụhị ụkọrọ anị mẹ̀ ta, di o si hu aa nọ eehi anị nị.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

Ijoovu 1:6

 nyị ẹkụhị ọnya aanị ọnị anggẹẹrị nịnị kụ ẹngụ gụ ọvịdị Ẹnẹyịmavara, dị Echu odu ọza ọnị rẹ nọ nị.

1Ipita 3:7

Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Anihiburu 10:11

Avaba ohirẹsụ irehi Ohomorihi vị anaā jẹẹ, dị aa mẹ̀ ụkọrọ anị eyinị-eyinị, dị aa mẹ̀ ịsọvọ ọnyọọnya ụpọsa-ụpọsa. Ama ịsọvọ ẹnẹẹ ẹ yị zụ sị ịvị aza kwooze vụrụ-vụrụ.

Anihiburu 8:6

Ụkọrọ oni Ohomorihi sị yị Ijeesu o huna ụkọrọ ohirẹsụ irehi Ohomorihi ana vọ nị. Ijeesu ọ́ọ yà ịnị akakana aza ọnịrị Ohomorihi, dị ọ hị́ eku ịsa ene huu yị nị.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Anigaratiya 3:29

Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.

Anigaratiya 3:9

Ábụrahamị mẹ̀ sị ayị tụra Ohomorihi, di Ohomorihi mẹ ka ò zé yọ, avọọ ọ mẹ̀ rẹ vaa mẹ ka ò zé yị avaba aza ana àa sị ayị tụra a bẹẹ nị.

Anigaratiya 3:7

Agụvị avọọ, yẹ nịnị ka ọdọwụ nịnị ẹ vị ezi Abụrahamị booro nị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

Odeyi 16:26

Kẹnẹ, dị ẹtẹ vene henyi jigi-jigi, dị avaba irehi ẹngwa na ngụ ịzị a kà ẹtẹ hụrẹ henyi jigi-jigi nị. Obooboro dị avaba oze na hi ẹtẹ, dị ịchẹkẹchẹkẹ anịnẹngwa nịnị hụrẹ và hi ẹtẹ pẹrẹ-pẹrẹ nị.

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Oyinyima 32:24

Ọ kụkụ sị vọ Ijekọvụ ọnịnya tụ́ ịzọọ. Dị ọza ọnya vẹ dị o vee pè Ijekọvụ vụ̀ ịrẹvụ, dị ẹ vụ̀ ọ pooro dị eyi aa vaa nị.

Imatiwu 4:11

Ịjọnọọ dị Echu kwooze yọ, dị anggẹẹrị nịnị vaa mẹ ozi ahụụ yị Ijeesu nị.

Ịmaakị 10:17

Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Aniroomi 11:14

Àa ka ọnị mẹ, mị zụ mẹ ka anẹkụra amị è zụ beri Anigiriki kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnẹ ẹ̀yị vị Aniju kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnyị ẹnịnị há.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.