Anigaratiya 5:3 - IWE ỌNỊNỊ

³ Me re tenyi ọ kà ka ọza ana àa zẹẹ ka ọza ọ̀ jị ọnị ụvẹvẹnẹ, áa nyị ka ọza ọnọọ ọ̀ọ saasa avaba ọda Aniju nịnị.

Anigaratiya 5:3 Referans Kwoze

Anigaratiya 3:10

Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.”

Aniroomi 2:25

Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị.

Iwe Ọhụhị Imosiisi ana aa hị́ Ọyịvatụrọda 27:26

O yi vee ze yị ọza tụra ọza ẹnẹ ẹ yị mẹ avaba ịsị ọda Ohomorihi kà. Dị avaba aza ọ̀ ha aamị!

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

Iwe Ọhụhị Imosiisi ana aa hị́ Ọyịvatụrọda 31:21

Ịjị ọnị ịrẹyị odivi-odivi ee tù wa, a vaa jị ahẹ ọnọnị ana vaa vị ivenu tụra wa ịrẹsụ. Evere ẹnịnị e yi vee hi ayị anị, Ẹnẹyịmavara kà ọnị ọ yẹ ịsị ẹ sị ayị tụ́ ka ẹnị vaa mẹ̀, dị ọnị hyakụ vaa kụ wa vẹ ịnị ẹtẹ ọnị ọnị wo oto anị ka ọnị aa sị yị wa.

Iwe Ọhụhị Imosiisi ana aa hị́ Ọyịvatụrọda 8:19

Wèe ne hi ayị Ẹnẹyịmavara naa dụ ori zị, mee hu wu ụvọ ọyaanị ka we yị vaa rị ọ.

Imatiwu 23:18

Wa rẹ kà a nịnị ka: ‘Ọza ọ̀ọ sị ụta anaa yàā mẹ ịsọvọọ hyeku, ẹ yị nyị ọ mẹ̀ kà. Ama ọza ọ̀ọ sị ịsa ana yà ịrẹsụ ụta hyeku, ọ sị ụta rị.’

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 2:40

Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Imatiwu 23:16

Wa sị dà nịnị, ẹwụ nịnị ogweyi ana aa zụ̀ ọza oze. Waa kà a ka ọza ọ̀ọ sị irehi Ohomorihi hyeku, ẹ yị nyị ọ mẹ̀ ka. Ama ọza ọ̀ọ sị igooru ana yà ini irehi Ohomorihi hyeku ọ sị ụta rị.

Inehemaya 9:34

Hi ohinọyị ayị nịnị o, hi ezi ohinọyị nịnị bẹ, hi ẹnị ohirẹsụ irehi Ohomorihi ọnịrị ada ayị nịnị, ẹ yị nyị ana wụ́ chire wụ; ẹnịnị ẹ yị rẹ saasa ọda Awụ vụrụ-vụrụ.

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Anigaratiya 5:2

Sị ụtọ pe ẹtẹ, ẹmị Ịpọọrụ aa kà a wụ nịnị nị, wàa zẹẹ ka ọza ọ̀ va jị wụ nịnị ụvẹvẹnẹ, ọnị ọ vị ka wẹ yị nyị tụ́ ịnị ịsa oni Ikirisiti mẹ nịnị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.