Anigaratiya 4:6 - IWE ỌNỊNỊ

⁶ Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Anigaratiya 4:6 Referans Kwoze

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Aniroomi 8:9

Ama Ụhwẹ Ohomorihi ọ̀ọ yà ịnị ayị ẹwụ nịnị, wẹ yị kụkụ sị ayị tụ́ ịnị ịsa ọnị ọchẹngụ awụ nịnị sì kẹnẹ. Ịsa ene zé Ụhwẹ Ohomorihi eyi, ụ sị ayị tụ́ ịnị anị nịnị nị. Aza ọnị Ụhwẹ Ikirisiti ọ̀ yị yà ịnị ayị anị, ẹ yị vị aza anị ẹ vị.

Anihwiripi 1:19

Máa yẹ ka a vaa hụrẹ mị ụvọ ini oze aduwa ọnị ụ waa mẹ nịnị, ọnịrị ini oze ọgụvọ ọnị Ụhwẹ Ọnịnị Ijeesu Ikirisiti aa mẹẹ mị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

2 Anịkọrịntị 3:17

Ananyị yị ọnọọ ọ vị Ụhwẹ Ohomorihi nị. Ịzị Ụhwẹ Ohomorihi ọ̀ọ yà, vị ọzọzaā nyị ẹngụ anị ịzọọ nị.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.

Ịjọọnụ 16:7

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị.

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Iruuku 11:13

Ẹwụ nịnị ana vị aza edivi, wàa yẹ ka â vọrọ ka wa sị ịsa ọyịza yị ezi ewu nịnị. Ụ mẹmẹ va yẹ ka Ada awụ nịnị ẹbẹẹba ọ yị vaa sị Ụhwẹ Ọnịnịị yị aza ana àa họ̀ ọ use anị.”

2 Anịkọrịntị 1:22

Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

Ịjọọnụ 15:26

“Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Iruuku 11:2

Dị Ijeesu ka, “Wàaa mẹ̀ aduwa nịnị, kà a ka: ‘Nda, â vọrọ ka à sị ụbanyị yị ịrẹha awụ. Navọ ụmẹ ịjọva awụ ọ̀ vẹ!

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.

Odeyi 16:7

E mèe vee tù ẹtẹ Imisiya, di eyee sì ka ẹnị ẹ̀ nọ Ibitiniya nị. Ama Ụhwẹ Ọnịnị ọ yị zẹẹ wa.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Ịmaakị 14:36

Dị ọ rẹ ka, “Ada amị, ada amị, ẹ yị nyị ịsụ wẹ̀ yị zụ mẹ. Sị ako ụyọrị ọnọnị kwooze mi! Ama ẹ yị vị ịsị mi sì, ẹ̀ yị vị isu wèe sì.”

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.