Anigaratiya 3:9 - IWE ỌNỊNỊ

⁹ Ábụrahamị mẹ̀ sị ayị tụra Ohomorihi, di Ohomorihi mẹ ka ò zé yọ, avọọ ọ mẹ̀ rẹ vaa mẹ ka ò zé yị avaba aza ana àa sị ayị tụra a bẹẹ nị.

Anigaratiya 3:9 Referans Kwoze

Aniroomi 4:16

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Anigaratiya 3:29

Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.

Aniroomi 4:24

A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị.

Anigaratiya 4:28

Àa vị ẹwụ nịnị yọ, anda ayị nịnị, ini oze oto oni Ohomorihi wo, ụ sị vị ezi Ohomorihi nịnị nị, Ayiziiki ọnị mẹ̀ rẹ yà.

Aniroomi 4:11

Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza.

Anigaratiya 3:14

Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị.

Oyinyima 24:1

Abụrahamị o si bo ẹtẹẹtẹrẹ. Ẹnẹyịmavara vị ana mẹ ka ọ̀ nyayịnẹ zee yị Abụrahamị ini oze tụra oze.