Anigaratiya 3:5 - IWE ỌNỊNỊ

⁵ Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anigaratiya 3:5 Referans Kwoze

Anigaratiya 3:2

Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

2 Anịkọrịntị 13:3

Avaba ịsị u wee sì ka we re nịnị dị ụ wa yẹ ka Ikirisiti aa sị mị ị kà ịrẹyị nị, u vee re e nịnị. Ịhị Ikirisiti èee pe wu nịnịị mẹ, ọ yị vaa vị ọkụmị, ama ọ vaa sị ụkata anịị zụ̀ ịnị akakana awụ nịnị.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

2 Anịkọrịntị 12:12

Ịsa ana sị zụ̀ ka ezirẹma Ijeesu obooro mị vị nị vị ọnị maa sị isuuru mẹ ịnị akakana awụ nịnị: ụkọrọ ohyozirenu ọnịrị apọtẹrẹwa irenyi-irenyi ệ mẹ.

2 Anịkọrịntị 10:4

Ẹnya ịrẹkụ ọnị yaa sịị kụ̀ ịrẹkụ, ọyị rẹ vị ẹnya ịrẹkụ ẹhẹ ọnọnị. Ẹnya ịrẹkụ oni Ohomorihi mẹ ka ẹ̀ nyị ụkata ẹ vị nị. Ọnị ị yaa sịị gara ịzị ọza ọ̀ yị zụ hụra tù nị.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

2 Anịkọrịntị 3:8

Ịjị Ụhwẹ Ohomorihi àaa mẹ̀ ụkọrọ, aanị ka igirima anị é yi vee huna avọọ ẹtẹẹtẹrẹ?

1 Anịkọrịntị 12:10

Ụhwẹ Ohomorihi ọnọọ ọ rẹẹ̄ mẹ ka aza ẹnyị ẹ̀ẹ mẹ̀ ụkọrọ ohyozirenu, dị ọ rẹ mẹ ka aza ẹnyị ẹnị ẹ̀ẹ kà ịsẹ. Ọ rẹẹ̄ mẹ ka aza ẹnyị ẹ̀ẹ yẹ ụkata ana àa hụụnị ụvọ Ụhwẹ Ohomorihi vẹ ọnịrị ẹnẹ ẹ̀ yị hụụnị ụvọ anị vẹ. Ọ rẹẹ̄ mẹ ka aza ẹnyị ẹ̀ zụụ kà ẹkụra irenyi-renyi, dị ọ rẹ mẹ ka aza ẹnyị ẹnị ẹ̀ zụụ̄ kà iruvo ẹkụra ẹnẹẹ nị.

Aniroomi 10:17

Enube Ikirisiti ọyịkà ọọ̄ mẹ̀ ka aza ẹ̀ wụ́ ọọ nị. Ye si oo re aanị ka enube ọyịza ọyịwụ ọ rẹẹ̄ mẹ ka aza ẹ̀ sị ayị tụra Ijeesu nị.

2 Anịkọrịntị 9:10

Ohomorihi anaā sịị ịsa ọyịnaa yị ọkụrịkụ, dị ọ rẹẹ̄ sị ịsọyịrịị yị ọza, ọ rẹ vaa sị ịsa ọyịnaa wụ nịnị, di u we chire e nịnị. Ọ rẹ vaa mẹ ka ọ̀ hụ, dị ẹ̀ nyị ẹtụtụ ẹtẹẹtẹrẹ, agụvị ka wẹ yị sị ụvọ kú oku nịnị vụrụ-vụrụ.

Anihwiripi 1:19

Máa yẹ ka a vaa hụrẹ mị ụvọ ini oze aduwa ọnị ụ waa mẹ nịnị, ọnịrị ini oze ọgụvọ ọnị Ụhwẹ Ọnịnị Ijeesu Ikirisiti aa mẹẹ mị.