Anigaratiya 3:12 - IWE ỌNỊNỊ

¹² Àa vị ịrẹyị ọda Aniju yọ, ẹ yị nyị ka ọza ọ̀ nyị ẹdọwụ. Ama “ọza ana àa yịị mẹ̀ ịsa ọnị ọda kà, ọ vaa yàra agụvị ọda ẹnẹẹ nị.”

Anigaratiya 3:12 Referans Kwoze

Ireevi 18:5

Avọọ, ẹnịnị ẹẹ mẹ̀ ịsa aā mẹ, dị ẹẹ saasa ọda ọnị ọnị sị yị wa; ọ ka, vị́ ẹ́ vaa dọ ẹhẹ ẹnịnị ha ẹ̀ẹ vavọọ aa mẹ nị. Ọnị ọ vị Ẹnẹyịmavara.

Inehemaya 9:29

Wâ ka wa ọnọ ka ẹ̀ varẹma va saasa ọda ọnị ụ mẹ yị wa, ama di e yee wuu hi u nị. Ayị ẹnịnị ọ sị katẹngụ, ê yi ka ẹnị ẹ yị vavẹ ịnị oze awụ. Ẹnịnị ẹ yị wụ́ chire ịrẹyị awụ ana zụ sị ẹhẹ obooro-obooro yị aza ana dọ, dị ẹnịnị nyayịnẹ nyị geri-geri ka ẹnị ẹ yị và ka wụ vẹ nị.

Aniroomi 4:14

Àa yaanị vị ọza anaā saasa ọda, Óhomorihi wo oto ka ẹ vaa nyị ẹhẹ nị, ịrẹyị aza ana sị ayị tụra Ohomorihi kụkụ yaanị vị kẹnẹ-kẹnẹ. Dị ịsa oni Ohomorihi rẹẹ ịzẹzẹ anị ọnị rẹ vị ịrẹyị kẹnẹ-kẹnẹ.

Aniroomi 4:16

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Ezikẹẹrị 20:11

Ịzọọ ọnị ya mẹ ọda anị yị wa, dị ọnị mẹ ka ẹnịnị ẹ̀ yẹ ẹ nị. Ẹnịnị àa saasa ọda anị ẹnẹnị, ẹ́ vaa ra ẹhẹ obooro.

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Imatiwu 19:17

Dị Ijeesu kà a yọ ka, “Sị ẹ vẹ dị waa hị́ mị ‘Ọga ọyịza’? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ. Ama wèe sì ka wa yàra pooro zịna-zịna, sị ụvọ za ọda!”

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Aniroomi 7:10

aa ka à na kà, di mi wusu nị. Ọda anaa mẹ ka ọ̀ mẹ ka aza ẹ̀ yàra booro, vị ana mẹ ka emè sú.