Anigaratiya 2:8 - IWE ỌNỊNỊ

⁸ Ẹ́ẹ yẹ ka Ohomorihi ọ́ọ sị ụkata yị Ipita ka ọ̀ vị odeyi anị yị Aniju. Avọọ gẹdẹ-gẹdẹ Óhomorihii ọnị mẹ̀ rẹ sị ụkata mị ka ma vị odeyi anị yị aza ẹnẹ ẹ̀ yị vị Aniju nị.

Anigaratiya 2:8 Referans Kwoze

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 15:12

Ịbanabasị ọnịrị Ịpọọrụ ệ kwẹẹtẹ, dị ẹyaa kà a ụkọrọ ohyozirenu ọnịrị apọtẹrẹwa oni Ohomorihi zị oze ịnị ụvọ ẹnịnị mẹ ịnị akakana Anigiriki nị. Ẹ màa kà a, dị avaba ẹnịnị kú irenu nị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Anịkọrịntị 9:2

Aza ana vọ ẹ̀ẹ daka ka ẹnị ẹ yị dọ ka ezirẹma Ijeesu mị vị nị, mâ yẹ kaakara ka ẹwụ nịnị ộ dọ ka ezirẹma Ijeesu mị vị nị. Ẹma sị wụ nịnị vẹ ịdị Ananyị yị, dị ẹwụrị ọọ va vị ọnya nịnị nị. Ọnọọ ộ sị zụ̀ ka ezirẹma Ijeesu mị vị nị.

Odeyi 8:17

Dị Ipita ọnịrị Ịjọọnụ sị ụvọ tụra wa, dị ẹ dọ Ụhwẹ Ọnịnị nị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Anikorasi 1:29

Agụvị avọọ m maa sị avaba ụkata oni Ohomorihi sị mịị mẹ̀ ụkọrọ ọnọnị nị. Maa vụrị ka ma zụ mẹ̀ ụkọrọ ọnọọ ta.

Anigaratiya 3:5

Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.