Anigaratiya 1:8 - IWE ỌNỊNỊ

⁸ Ọ̀ọ daka vị ẹyị, àa vị anggẹẹrị ẹbẹẹba ọ va kà enube ọyịza ọsa, dị ọ sị vị irenyi yị ọnị ị vịdị kà wụ nịnị nị, o du ọza ọnọọ kù huuu!

Anigaratiya 1:8 Referans Kwoze

Anigaratiya 1:9

Anka m mẹ̀ vịdị kà a, mi ree tenyi ọọ kà: Mị ka, àa nyị ọza ana va kà enube ọyịza ọsa yị wụ nịnị, dị ọ vị irenyi yị ọnị ụ vịdị dọ nịnị nị, o du ọza ọnọọ kù huuu!

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Aniroomi 9:3

Mâ hyakụ zụ dọ ka Ohomorihi ò chì hi mi, dị ọ̀ sị mị hụụ ịdị Ohinọyị ọnị ọ nyị ka ọ̀ dọ yị há, dọ ịrẹsụ anda ayị. Anka ọzarẹyịrẹsụ, ẹnị ẹ vị aza amị nị;

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

Odeyi 23:14

Dị ẹ vẹ ịda ohirẹsụ ẹbanyị irehi Ohomorihi ọnịrị azọkụ nịnị, dị ẹ ka, “Ya sị eku ọbanyị hị́ ka àyị vị ị wụ Ịpọọrụ, yẹ yị vaa rị ịsa.

Ịtayịtọsị 3:10

Ọza ana àaa há azaa hi, wàa sị ọ kà ọ̀nọ̀ tù ụpẹ ẹẹva, ụ kụkụ sị ayị hụụnị ịrẹyị anị!

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

1 Anịkọrịntị 12:3

Mee sì ka wa yẹ nịnị ka ẹ yị nyị ọza ọnị Ụhwẹ Ohomorihi aa sị oze zụ̀ ana zụ kà a yị Ijeesu ka o du oo kù. Ẹ̀ yị rẹ vị ọza ọnị Ụhwẹ Ohomorihi aa si oze zụ̀, ọ yị zụ kà a ka Ijeesu ọ vị Ananyị yị nị.

Ịmaakị 14:71

Dị Ipita kwẹẹtẹ, di ee chì hi ẹngụ anị nị, dị aa hyeku nị, dị ọ ka, “Mẹ yị yẹ ọza ọnị ụ waa kà nịnị aanị.”

Anigaratiya 3:10

Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.”

Inehemaya 13:25

Mâ tụ wa ohuvọ, di mi chì hi wa nị. Mê tu wa, di mi hu aza ẹnyị ẹyị ịrẹsụ nị. Mâ mẹ wa ka ẹ̀ sị Ohomorihi hị́ eku ka ẹnị ẹ yị vana sị ezi anẹẹ ẹnịnị gà anẹkụra ọsa; ẹnị ẹ yị ma vana nyị ezi anẹẹ anẹkụra ọsa yị ezi anọrụ ẹnịnị àvị yị ẹngụ ẹnịnị ụvọta.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.

Ijosuwa 9:23

Agụvị ka ẹnịnị ê vene Anisirẹrị nịnị, Ohomorihi ộ raà jị ịvị yị wa. Ọrịhị Anisirẹrị nịnị ẹ vaa vị pooro, dị ẹ yaa sì ọkụ, dị ẹ yaa da enyi tụ ịnị irehi Ohomorihi anị nị.

Oyinyima 9:25

Dị ọ ka, “O du wu ku, ẹwụ Ikanaani.” Ọka ọ ta ọnị ọ vaa vị ọvavẹtẹ ọrịhị ẹyịnyara anị.

1 Ohinọyị 13:18

Dị ọnịsẹ ọzọkụ ọnọọ cheeche yọ dị ọ ka, “Ẹmị rẹ vị ọnịsẹ ộ anka ẹwụ. Ẹnẹyịmavara ộ tụ́ anggẹẹrị ka ọ̀ va kà a mị ka ẹmịrị wụ ọ̀ zị và nọ ini eehi amị, dị wa rị ịsa, di we re hú enyi.”

Ijeremaya 23:16

Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.

Ijeremaya 23:36

Asị ẹnịnị vana kà a ka ụtụ ọnị Ẹnẹyịmavara tụ ọnị yị, ka vị aza kụkụ vavọọ aa kà dị ẹ̀ sị sị́ ụkata yị ịrẹyị ẹngụ ẹnị ụvọta nị. Dị ẹ kụkụ sị ịrẹyị Ohomorihi ẹnịnị ana yára, Ẹnẹyịmavara Ochẹtẹẹngụ va ịrẹsụ chi nị.

Aniroomi 16:17

Ẹwụ nịnị ẹyịnyara amị, sị ụtọ pe ẹtẹ nịnị, oo! Sị ụvọ za ẹngụ awụ nịnị agụvị aza anaā há azaa hi, di ẹyaa kụ́ azaa nyeeyi, ọnọọ vị ka ẹyaa kà ịrẹyị ana jị ịsị a vịdị sị zụ̀ wụ nịnị nyee. Asị ụ zị ògù ẹngụ aza ẹnẹẹ!