Anigaratiya 1:7 - IWE ỌNỊNỊ

⁷ Ịnị ịzẹyịza, ẹ yị nyị enube ọyịza ọsa vụrụ-vụrụ; ama áa nyị aza ẹnyị ana aa và wụ nịnị zí, eyee sì ka eni è du enube ọyịza Ikirisiti ha.

Anigaratiya 1:7 Referans Kwoze

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Anigaratiya 5:10

Agụvị ka ẹmịrị Ikirisiti ọ sị vị ọnya, máa sị ayị tụra wụ nịnị ka wẹ yị vaa nyị ariro nịnị ana jị áamị nyee. Ọza ana àaa và ayị awụ nịnịị zí, Ohomorihi vaa mẹ̀ ọkarẹyị yọ, ọza tụra ọza ọnị ọọ vị.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

Anigaratiya 5:12

Aza ana àaa và wụ nịnịị zí avọọ, à kà ka ẹ̀ na nị ẹngụ ẹnịnị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

Ẹtore 20:3

Ô ne e ngụ ịnị ọbọbọ ọnọọ, di o chire e, dị ọ sị ịsa vá a nị, ka asị o kuku re oze vene anẹhẹ nịnị pooro dị ịrayị akahị ọnọọ ọ̀ gụ nị. Ịrayị ọnọọ ọ̀ọ sị gụ, â nyị ka à hụrẹ ẹ ụvọ yị ụmẹ chee.

2 Ịjọọnụ 1:10

Àa nyị ọza ana vẹ ini eehi awụ nịnị, dị ẹ̀ yị vị ịrẹyị ọnị Ijeesu sị zụ̀ yị ọ za vẹ nị, asị ụ dọ ọ tụ́ ini eehi awụ nịnị, asị ụ hyakụ kụ́ ọ nịnị vụrụ-vụrụ.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

Ẹtore 2:6

Ịsị ụ mẹ ẹtẹẹrẹ ịnị anị nịnị yị: Wâ nyị ịhyẹrẹ ịsa ana Aninikorati nịnị aa mẹ, anka ẹ́mị mẹ̀ rẹ nyị ịhyẹrẹ anị.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

2 Ịjọọnụ 1:7

M maanị aa kà a agụvị ka enevene nịnị ẹ sị gara hi ẹhẹ. Ẹnịnị ẹ yị dọ ka Ijeesu ộ vẹ ẹhẹ anka ọza. Ẹngụ aza ẹnẹẹ vị enevene, ọnịvị Ikirisiti ẹ rẹ vị nị.

1 Ịjọọnụ 2:26

Ịsa ẹnẹnị mị kà wụ nịnị nị agụvị aza ene ee sì ka eni è vene wu nịnị.

2 Itimoti 2:18

Ẹ sị há hụụnị oze ịzẹyịza. Ẹ ka aza ẹ sị ha hụụnị isu da. Ini oze avọọ, ẹ raà mẹ ka asị aza ẹnyị kụkụ vị ọdọwụ.

Anigaratiya 6:17

Hụrẹ ajịnị na, asa a nyị ọza ene kuku zigi mi, agụvị ka apịtahụ ene hi ịnị ẹngụ amị aanị, ẹ́ẹ sị zụ̀ ka Íjeesu mị vị nị.

Anigaratiya 4:17

Avaba aza ene ee sì ka ẹnị ẹ̀ và wụ nịnị eyi avọọ, ariro ẹnịnị e yi zoza. Eyee sì ka ẹmịrị ẹwụ nịnị ọ̀ há hi, dị ụ wa kụkụụ dụ ẹnịị zị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Ijeremaya 23:26

Ịzị ọnịsẹ ẹnẹnị vaa maanịị sị ireche ẹngụ ẹnịnị kụ aza anịị nyeeyi naa za?

Ijeremaya 23:36

Asị ẹnịnị vana kà a ka ụtụ ọnị Ẹnẹyịmavara tụ ọnị yị, ka vị aza kụkụ vavọọ aa kà dị ẹ̀ sị sị́ ụkata yị ịrẹyị ẹngụ ẹnị ụvọta nị. Dị ẹ kụkụ sị ịrẹyị Ohomorihi ẹnịnị ana yára, Ẹnẹyịmavara Ochẹtẹẹngụ va ịrẹsụ chi nị.

Anigaratiya 1:6

Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.