Anigaratiya 1:6 - IWE ỌNỊNỊ

⁶ Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.

Anigaratiya 1:6 Referans Kwoze

2 Anịkọrịntị 11:4

Ọza ana àa vẹ kẹnẹ va kà enube Ijeesu ọyịza ọsa wụ nịnị, dị wụsẹ sị ọọ dọ nịnị. Ama ẹyị ẹ̀ẹ yị kà ẹngụ enube ọyịza ọnọọ wụ nịnị da. Waa dọ ụhwẹ ọsa ana jị Ụhwẹ Ohomorihi ọnị ụ vịdị nyị nịnị nyee. Ụ raa dọ enube ọyịza ọsa ana jị enube ọyịza ọnị ụ vịdị dọ nịnị nyee.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ahẹ Ụgama 106:13

Ama ịjị ọ naa mẹ ụmẹ chee, ayị ịsa oni Ohomorihi mẹ ô hi wa, ẹnịnị ẹ yị kụkụ jẹẹ zi ka Ohomorihi ò juwe yị ẹnị ịnị ịsa ẹnị ẹ yaa mẹ.

1 Itimoti 1:3

Mee sì ka wa yị jẹẹ Ẹhwẹsọsị, anka m mẹ̀ vịdị kà a wụ, m màa parahuu nọ Imasedoniya. Aza hi ịzọọ ana aa sị ịsa irechee zụ̀ aza. Re ka wee hú wa ụvọ ka asị ẹ rẹ̀ vavọọ mẹ!

1 Anịkọrịntị 4:15

Òo zee eyi ọza ana aa zụ̀ wụ nịnị oze Ikirisiti ẹ̀ gụ akahị-akahị oze ẹẹwụ (10,000), ama ọza ịnya kẹnẹ ọ vị ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị ini oze Ijeesu Ikirisiti.

Odeyi 15:11

Ẹyị â dọ wụ́ ka agụvị ayamva Ijeesu Ikirisiti Ananyị yị ị sị há nị. Avọọ ẹ́nị mẹ̀ rẹ yà nị.”

Anigaratiya 5:4

Ẹwụ nịnị ene ee sì ka Ohomorihi ọ̀ hị́ wụ nịnị ọnịrẹyịzẹyịza agụvị ka waa saasa ọda, wa sị há hụụ ịdị Ikirisiti nịnị. Wa raà sị ẹngụ awụ nịnị hụụnị ayamva Ohomorihi.

Aniroomi 10:3

Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

1 Itimoti 1:14

Ananyị yị ọ va vayị amị ẹnẹmẹhị; ộ mẹ̀ ka ma zụ sị ayị tụra ọnị, di me ree sì ịrẹyị ọza. Ọza ọnị ọnịrị Ijeesu Ikirisiti sị vị ọnya, ọọ̄ vavọọ mẹẹ yị nị.

Ẹtore 22:21

Ijeesu Ananyị yị ọ̀ mẹ ọyịza yị avaba awụ nịnị!

2 Itimoti 2:1

Ozi emi, waa nyị ụkata ini oze ayamva oni Ijeesuū sịị yị aza ọnị ọnịrịị sị vị ọnya.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

2 Anịtẹsaronika 2:14

Ịsa oni Ohomorihi hị́ wụ nịnị tụ́ ịnị anị, ọ vị ọnọọ nị. Ộ hị́ wụ nịnị ini oze enube ọyịza ọnị ị kà wụ nịnị, dị ụ wa va nyị tụ́ ịnị ụbanyị Ijeesu Ikirisiti Ananyị yị.

Aniroomi 5:2

Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

Ịjọọnụ 9:30

Dị ọnọrụ ọnọọ kà a yị wa ka, “Ho! Ịrẹyị ọnị ụ waa kà nịnị aanị, o si hí mi eyi. Ụ ka wẹ yị yẹ ịzọọ hụrẹ vẹ nịnị, ama ọnị ọ há ẹmị eyi nị.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

1Ipita 1:15

Ohomorihi ana hị́ wụ nịnị, vị ọnịnị; agụvị avọọ, ẹwụ nịnị ọ̀ rẹ vị ọnịnị ịnị avaba ebira awụ nịnị!

Ịmaakị 6:6

Ô hí oo irenu pooro, agụvị ka aza ẹ yị dọ wụ́. Dị ọ hụụ ịzọọ, dị aa ngụ ịnị ẹkụra ọsa ana gụrị ịzọọ zịịzị, dị aa zụ̀ wa ịsa nị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

Anigaratiya 1:7

Ịnị ịzẹyịza, ẹ yị nyị enube ọyịza ọsa vụrụ-vụrụ; ama áa nyị aza ẹnyị ana aa và wụ nịnị zí, eyee sì ka eni è du enube ọyịza Ikirisiti ha.

Anigaratiya 1:11

Ẹwụ nịnị ẹyịnyara amị, jẹẹ ma kà a wụ nịnị oo, enube ọyịza ọnị maa kà, ẹ yị vị ọza ọ sị mị.

Anigaratiya 1:15

Ama Ohomorihi ọ́ọ vayị amị, ọ́ọ nyị mị di a va yẹ ka aa ma mị, dị ọ hị́ mị ka maa hẹkẹ ọnị nị. Ịjị o zé Ohomorihi eyi,

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anigaratiya 2:5

Yẹ yị sị oze yị wa vụrụ-vụrụ, agụvị dị ụ wa nyẹngụ sị ụvọ za enube ọyịza ana vị ịzẹyịza anka ọ mẹ̀ yị yà.

Anigaratiya 2:7

Ama ọdọvịdị ẹnẹẹ e si oo re ka Ohomorihi ọ́ọ sị enube ọyịza chire mi ụvọ ka maa kà a yị aza ẹnẹ ẹ̀ yị mā jị ụvẹvẹnẹ, anka ọ mẹ̀ rẹ sị yị Ipita ka ọ́ọ kà enube ọyịza yị aza anaā jị ụvẹvẹnẹ.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”

Anigaratiya 5:14

Avaba ọda vị ana a vabẹ ịnị ịrẹyị ọnya ka, “Sì ịrẹyị ọnọhụva awụ anka ẹngụ awụ.”