Anigaratiya 1:16 - IWE ỌNỊNỊ

¹⁶ dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

Anigaratiya 1:16 Referans Kwoze

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Anẹhwẹsọsị 6:12

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Aniroomi 11:13

Ẹwụ nịnị ẹnẹ ẹ̀yị vị Aniju mị kụkụ aa kà ịrẹyịị yị booro aanị nị. Ẹma vị odeyi ana aa mẹ̀ ụkọrọ ị́da Anigiriki nị. Udi amị ọnọọ vị ọnị mị nyayịnẹ sị ụbanyị yị.

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Imatiwu 26:41

Sị eyi pe ẹtẹ, dị ụ waa mẹ̀ aduwa, agụvị asị ụ ngụ ịnị ọyịzamare nịnị! Ịzẹyịza ayị awụ nịnị ee sì ka ọnị ọ̀ mẹ̀ ịsa ozoza, ama ọchẹngụ awụ nịnị vị ọkụmị.”

Iwe Ọhụhị Imosiisi ana aa hị́ Ọyịvatụrọda 33:9

Ẹnịnị ẹ sị zụ ka ẹnị ẹ nyị ịrẹsụ ọkahi yị wụ ẹtẹẹtẹrẹ huni aza ana ma wa ọnịrị ẹyịnyara ẹnịnị a vị ezi ẹnịnị. Ẹnịnị ẹ saasa ọda awụ dị ẹ sị ụvọ za ịrẹyị ana a ka tịtẹ.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Anigaratiya 2:1

Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị.

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

1 Anịkọrịntị 15:50

Ẹwụ nịnị ẹyịnyara amị ịsị maa kà yị ka, ọzarẹyịrẹsụ kẹnẹ ọ yị zụ ngụ ịzị Ohomorihi yà aa mẹ ịjọva. Ịsa eneē du, ọ yị zụ nyị ịsa ene è yi me du pooro zịna-zịna.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.