Ahẹ Ụgama 127:2 - IWE ỌNỊNỊ

² Ọza ọ nyẹngụ hara ẹnẹnẹ viri-viri dị ọ mẹ̀ ụkọrọ pooro, o yi jintu sụ, ka ọnị ọ̀ rị rị ịsa kẹnẹ. Ụya kẹnẹ aa sịị rị ẹngụ anị nị. Aza ẹnị Ẹnẹyịmavara sì ịrẹyị anị vị ọnị ọọ̄ sị ịsọyịrịị yị ẹ̀ẹ daka aa sụ ara.

Ahẹ Ụgama 127:2 Referans Kwoze

Ịrẹyị Ọzwọzịsa 5:12

Aza anaa sị ẹhị ẹngụ ẹnịnị mẹ̀ ụkọrọ vị anaa sụ ara ohine ẹẹ rị ịsa baaba ẹẹ daka rị chee ama ogu ọza ọbanyị vị anaa jị ọ areyi dị ẹ yị zụ sụ ara.

Ahẹ Ụgama 4:8

Màa hụtụ dị maa sụ ara hwanaa. Ẹnẹyịmavara, ẹwụ ịnyara kẹnẹ ọ vavọọ mẹ ka asị a nyị ịsa ee chire mi angwa nị.

Ijoovu 11:18

Ohomorihi vee sere e, dị ọ sị ayị anị nẹtẹ, dị ọ nyị eyọtụra.

Ahẹ Ụgama 3:5

Màa hụtẹtẹẹ dị mị sụ ara hwanaa dị mị rẹ ha mâ vavọọ hā agụvị ka Ẹnẹyịmavara ee sere mị.

Ijeremaya 31:26

Avọọ, aza kụkụ vaa kà a ka, ẹnị mẹ na sụ, ẹnịrị ụkata ọ ha nị.

Ezikẹẹrị 34:25

Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.

Ịrẹyị Ọzwọzịsa 1:14

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Ịrẹyị Ọzwọzịsa 6:7

Ọza ò re ịsa rị kẹnẹ ọza aa sịị mẹ avaba ụkọrọ ọnị aa mẹ dị ẹ nyị eyi tụ́ ụhwọ́ nị, ama ọza ẹ ma ka a ka ọ sị hụ ọnị ọgọnị.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ahẹ Ụgama 60:5

Navọ wa sị ụkata awụ gụ yị ụvọ dị wa dọ yị tụ́ Wàa gụ yị ụvọ, aza oni u sì ịrẹyị anị vaa há.

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.