Ahẹ Ụgama 127:1 - IWE ỌNỊNỊ

¹ Ẹ̀ yị vị Ẹnẹyịmavara ọ̀ dà irehi, aza ana aa vụrịị dà a vị ana aa mẹ akanya kẹnẹ. Ẹ̀ yị rẹ vị Ẹnẹyịmavara o sere ẹkụra, aza ana jị areyi dị ẹ ka vị ẹnị ee sere e nị vị ana aa jị areyi ọọhẹ kẹnẹ.

Ahẹ Ụgama 127:1 Referans Kwoze

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

1 Anịkọrịntị 3:7

Ọza ene ee chire ịsa, ẹ yị nyị ịsị ọ yà ịnị anị; ọza ana raa ká enyi hi ọọ, ayị rẹ nyị ịsị ọnị yà ịnị anị. Ama Ohomorihi ana aa mẹ ka ịsa ọnọọ ọ̀ọ hụ, ọnị ọ vị ẹtẹẹtẹrẹ nị.

Ahẹ Ụgama 124:1

Ịsị a vọrọ ka Anisirẹrị ẹ̀ẹ kà kẹnẹ ọ vị ka ò zee ka Ẹnẹyịmavara ộ jẹẹ yị ịrẹma. À yị vị ẹnị Ẹnẹyịmavara jẹẹ yị ịrẹma, ịjị aza ẹnẹẹ kwẹẹtẹ tù yị,

Ayịsaya 62:6

Anijerusarẹmị, Ẹnẹyịmavara ọ raà nyị oserẹtẹ ene vee sere ọvọ awụ nịnị. Ẹnịnị e yi vee si irenu kwoku ọọdụ ọnịrị ịrahụ. Ẹ vaa tamayị Ẹnẹyịmavara ayị avaba ọnị o wo oto anị wụ nịnị. Ẹnịnị ẹ yị vaa zẹ ka ayị o hi ọ.

1 Ịtọpa 28:10

Idevidi ka Isoromọnị ọ̀ yẹ ka Ẹnẹyịmavara ộ nyị ọ ka ọ̀ dà irehi oni Ohomorihi yị ọnị. Ọyaanị, ò re ka ọnị ọ́ọ sị vụrị dị ọ̀ dà a.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

1 Ịtọpa 28:20

Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.

1 Anịkọrịntị 15:14

Ikirisiti ọ̀ yị yaanị ha hụụnị isu, ịrẹyị Ohomorihi ọnị yaa kà yaanị vị osusu kẹnẹ-kẹnẹ, dị ahịka osusu kẹnẹ-kẹnẹ ẹwụ nịnị rẹ yaanị dọ wụ́ nị.

Ahẹ Ụgama 121:1

Mâ và eyi hịrẹ mee re ataba nịnị. Mị ka ẹnị aa vaa gụ mị ụvọ?

Ahẹ Ụgama 123:1

Ẹnẹyịmavara, ẹwụ ana yaayịtẹ tụ́ ini ihinẹba, ẹwụ m maa tụra eyi nọ.

Ahẹ Ụgama 120:1

Ẹngụ amị mẹ̀ kata di mi nowu na za Ẹnẹyịmavara, dị ọ ba mi owu nị.

Ahẹ Ụgama 125:1

Aza ana sị ayị tụra Ẹnẹyịmavara vị ana vaa jẹẹ anka ataba avọọ. Vị ẹ vaa jẹẹ nganganga pooro nị, ẹ yị nyị ịsị ee zizi wa.

Ahẹ Ụgama 78:69

Dị ọ dà irehi anị tụ́ ịzọọ anka irehi anị ana yà ẹbẹẹba nị. Ộ sị ọ jẹẹ geri-geri anka ọ́ mẹ̀ sị ẹhẹ ịnyẹmba jẹẹ pooro.

Ayịsaya 56:10

Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ahẹ Ụgama 126:1

Ịjị Ẹnẹyịmavara và Anisirẹrị vavẹ udi anị, vị ọ sị mẹẹ anka ụra avọọ eyi ayị nị.

Ahẹ Ụgama 122:1

Mâ jẹ pooro á mẹ̀ va kà a ka ma vẹ ya nọ ini eehi Ẹnẹyịmavara.

Ayịsaya 27:3

“Ẹmị Ẹnẹyịmavara o si eyi pe ụbazị amị, dị maa ká enyi hi ọ eyinị-eyinị nị. Mee sere e ọọdụ ọnịrị ịrahụ ka asị a nyị ọza ana sị ụvọ kanyị ọ.

1 Ịtọpa 29:19

Ọ kà, Navọ wa mẹ ka ozi emi Isoromọnị ọọ sị avaba ayị anịị sị̀ ka ọnị ọọ saasa avaba ịrẹyị awụ; dị ọ̀ da irehi Ohomorihi ọnị mị hụvị anị tenyi avaba ịsa ẹnẹnị tịtẹ.

Anigaratiya 4:11

Angwa awụ nịnị ee hí mi. Avaba ụkọrọ ọnị maa mẹ̀ agụvị awụ nịnị, ọọhẹ ộ vana vị nị?

Ahẹ Isoromọnị 5:7

Oserẹtẹ nịnị anaa ngụ ẹkụraa zị ê ré mi, ê tụ́ mi, ệ tọ̀ mị ụnava, dị ẹnị ana vaka ugene ee sere ẹtẹ dọ mị ịta nị.

Ahẹ Isoromọnị 3:3

Oserẹtẹ nịnị maa ngụ ịnị ẹkụraa zị, ê ré mị, dị mị họ̀ wa ka, aarịhịnị, wéé re ọza ọnị mị maanị sì ịrẹyị anị kẹ?

Ijeremaya 51:31

Ọnụtụ irenyi-irenyi ê zwè na kà a yị ohinọyị ka á raa zị oze eyi ẹnyị-eyi ọsa kụ ịrẹkụ ngụ ịnị ẹkụra nị ọ.

Ahẹ Ụgama 72:1

Ohomorihi, navọ kwogwo wa va sị ịzẹyịza yị ohinọyị dị ọ̀ vaa sịị mẹ̀ ọkarẹyị.

Iwe Ọhụhị Imosiisi ana aa hị́ Ọyịvatụrọda 8:18

Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

Ijosuwa 2:2

Dị Anijeriko ọnya aanị ene re wa, na ka yị ohinọyị ẹkụra nị. Dị ọ ka â nyị Anisirẹrị ana a tụ́ ka e ve re ẹtẹ ana ngụ ẹkụra ịrahụ ọnọọ.

1 Ohinọyị 5:12

Ẹnẹyịmavara ộ mẹ̀ ka Isoromọnị ọ̀ yẹ ịrẹyị ẹtẹẹtẹrẹ anka ọ mẹ kà a yi Isoromọnị ka ọnị vaa mẹ. Ẹ yị nyị ịrazị ịnị akakana Isoromọnị ọnịrị Ihirami. Ẹnị ẹyịva vị ana hị́ eku yị ẹngụ.