2 Ịsamụwẹrị 8:6 - IWE ỌNỊNỊ

⁶ Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

2 Ịsamụwẹrị 8:6 Referans Kwoze

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

Ahẹ Ụgama 140:7

Ẹnẹyịmavara ana vị ohinọyị ene hu keekere, ẹwa vị ọnụkata ana aā dọ mịị tụ́ nị. Ẹwa dọ mị tụ́ ka asị a nyị ịsị ẹ mẹ̀ mị ịnị ụmẹ ịrẹkụ ọnọọ nị.

2 Ịtọpa 17:2

Ộ kụ́ isoja hi ẹkụra-ẹkụra ana jị ọvọ kara ịnị ẹtẹ Ijuda, dị ọ kụ́ ọba ẹnyị vị ọnị ọ kụ́ tụ́ Ijuda, dị ọ ga ẹnyị hi ẹkụra ene hi ịnị ẹtẹ Ehwireemi ọnị ada anị Asa vịdị dọ.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

Ụhịrẹyị 21:31

Ọza ọ zụ kanyị ọpa aa nọ ịrẹkụ ama Ẹnẹyịmavara ọ sị ọzaa nyị ẹbẹẹba ịrẹkụ nị.

1 Ịtọpa 18:13

Ộ jị udi irenyi-irenyi ịzị ọ kụ́ isoja hi avaba ẹtẹ Edomi, dị Idevidi kụkụ aa mẹ ohinọyị tụra avaba aza ene hi ịzọọ ịrẹsụ nị. Avaba aha ọnị Idevidi ọ̀ọ nọ, vị ọnị Ẹnẹyịmavara sị ọ nyị ẹbẹẹba.

2 Ịsamụwẹrị 23:14

Ịjọnọọ Idevidi ọnị yà aha ẹvagu. Isoja Anihwirisiti ẹnị hi Ịbẹtịrẹhẹmị.

2 Ịsamụwẹrị 8:2

Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

2 Ịsamụwẹrị 3:18

O si tù ka wa sị ọ mẹ ohinọyị nịnị booro aanị. Wâ yẹ ka Ẹnẹyịmavara ộ vịdị sị ọ kà yi Idevidi ka ọnị Idevidi ọnị vaa mẹ ka ọ̀ dọ Anisirẹrị aza anị tụ́ hụụnị ụvọ Anihwirisiti ọnịrị avaba ọnịvị ẹnịnị nị.”

1 Ịsamụwẹrị 14:15

Angwahi ộ ka avaba isoja Anihwirisiti vẹ. Isoja ene hi udi ịnị avị ọnịrị ene hi ẹhẹ ana aa dụ aza, dị ẹ yaa dọ wa ẹnya vị ana angwahi ngụ ẹngụ. Ohomorihi ộ mẹ̀ ka ẹtẹ ò zizi.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 14:1

Ẹkụhị ọnya di Ijonatani hí ozi ọnọrụ ọnya anaā za ẹnya ịrẹkụ anịị gụ ọ nị, dị ọ ka ọ̀ vẹ dị ẹnị ẹ̀ nọ ịzị isoja Anihwirisiti nịnị hí akẹnẹ eyi ọsọọ nị. Ama Ijonatani ọ yị kà yị ada anị Ịsọọrụ.

1 Ịsamụwẹrị 13:3

Ijonatani ộ kụ́ ịrẹkụ na dụ Isoja Anihwirisiti ene hi Ịgẹba dị Anihwirisiti nịnị sị wụ́ nị. Dị Ịsọọrụ ka è hú ọpanyị che avaba ẹtẹ Anisirẹrị na para hu, dị a kà a avaba Anihiburu ẹ̀ wụ́.

2 Ịsamụwẹrị 8:7

Di Idevidi kụ́ ogonto igooru oni isoja Ihadadeza kụ́ vẹ ịrẹkụ, dị ọ kụ́ wa vẹ Ijerusarẹmị nị.

2 Ịsamụwẹrị 10:19

Ịjị ohinọyị ana vọ ana vịdị vị ozi ahụ Ihadadeza re ka Anisirẹrị ẹ sị wa huna, dị ẹ ka ẹmịrị Anisirẹrị ọ yị kụkụ zyaazị nị. Dị ẹ kụkụ va vara ọrịhị Anisirẹrị nị. Angwa kuku ee hi Anamọnị nịnị, dị ẹ yị kụkụ nyayịnẹ na gụ Anamọnị nịnị ụvọ nị.

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ohinọyị 1:1

 nyị ịrayị ọnya aanị, ịjọnọọ ohinọyị Ahabị ô wusu, dị Animowabi nịnị nyima aa kụ̀ụ hịrẹ Anisirẹrị nịnị nị.

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

2 Ohinọyị 14:28

 chẹrẹ avaba ụkọrọ ana vọ ọnị Ijerobowami ọhụva mẹ hi ini iwe ịtọpa ohinọyị Ísirẹrị nịnị. Ọ́ mẹmẹ sị ọtụtụrụma kụ̀ ịrẹkụ, ọnịrị ọ mẹmẹ dọ ẹtẹ Ịdamasịkọsị ọnịrị Ihamati varẹma yị Ísirẹrị vị ana a chẹrẹ saka-saka.

2 Ohinọyị 18:7

Avọọ, Ẹnẹyịmavara ộ ya pe e aha tụra aha ọnị ọ nọ; di o zee yọ ịnị avaba ịsa ọnị ọ mẹ nị. Ộ dọ ẹngụ anị hụrẹ ụvọ ohinọyị Ásiriya; ẹ yị vana dọ ka ọnị ọ̀ sị ịrẹsụ yọ.

Ahẹ Ụgama 60:10

Ohomorihi, navọ dê! u wéé si yi yi tịtẹ saka-saka nị? Wẹ yị kụkụ saasa isoja ayị nọ ịrẹkụ?