2 Ịsamụwẹrị 8:5 - IWE ỌNỊNỊ

⁵ Anarami nịnị ana ra hi Ịdamasịkọsị ệ vẹ ka ẹnị ẹ̀ va gụ Ihadadeza ohinọyị Anizoba ụvọ ịnị ịrẹkụ ọnọọ. Di Idevidi za ẹnị akawụ-akawụ oze ẹwụrọnya dị ọ wụ̀ wa nị.

2 Ịsamụwẹrị 8:5 Referans Kwoze

Ayịsaya 31:3

Ama tamayị nịnị o, ka Anijipiti vị aza rị ẹyị ịrẹsụ, ẹ yị vị Ohomorihi ẹ vị. Umaata ẹnịnị vị uye kẹnẹ, ẹnịnị ẹ yị vị arịjẹnụ. Ịjị Ẹnẹyịmavara ọ̀ọ tana ụvọ za wa, aza ana nọ ịnị ọgụvọ ọnịrị aza ana a ka à na gụ ụvọ vi ene dudu vaa và angga dị ẹ hyẹdụ. Avaba ẹnịnị e vee vú ẹtẹ nị.

Ayịsaya 7:8

Wâ yẹ ka Ịdamasịkọsị ọ vị ohirẹsụ Aramị nị, dị ahịka Irezini ọ vị ohinọyị anị nị. Ọ̀ọ na mẹ ịrayị ẹbẹẹta tụra ẹẹhị, a kụ́ Ehwireemi gara ha dị ẹ yị kụkụ nyị aza ịnị anị.

Ijoovu 9:13

Àa kụ ayị ọ mā va. Ọnịvị anị ana kụ tu ọ venee vú ẹtẹ.

2 Ịsamụwẹrị 8:3

A rẹ nyị ụmẹ ọnya di ohinọyị Izoba ana aā hị́ Ihadadeza ana vi ozi Ịrẹhọbị sì ka ọnị ọ̀ varẹma na dọ ẹtẹ ana yà ụtọ Okuha Iyuhwireti nị. Di Idevidi na, dị ọnịrị ọ kụ̀ ịrẹkụ, di Idevidi hu ọ ẹtẹ nị.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.