2 Ịsamụwẹrị 8:2 - IWE ỌNỊNỊ

² Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

2 Ịsamụwẹrị 8:2 Referans Kwoze

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Ahẹ Ụgama 60:8

Ohomorihi rẹ ka Imowabi vị ana yà anka ẹnya ọnị ọnị aa nyịna ụvọọ hi Ọ rẹ ka ọnị o reè ne adava anị na tụ́ Edomi ana sị zụ̀ ka ọnị ọ kụkụ nyị nị Ọ kà ọnị aa jẹ ẹtẹẹtẹrẹ ka ọnị ọ sị ehuna Ihwirisitiya nyị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

Ayịsaya 36:16

Asị ụ sị ụtọ tụ́ ịnị ịrẹyị oni Ihezekaya aa kà nịnị. Ohinọyị Anasiriya ka wa jịnẹ hi ẹhẹ dị wa kà a ka wâ dọ ka oni o huna wụ nịnị nị. Ọ kà wàa vavọọ mẹ nịnị, ẹ yị kụkụ vaa nyị ịrẹyị. Dị ọzọza aa rị ịsa ọnị ọ kụ́ tụ́ ịnị aarẹ, di o ree hú enyi ịnị ịkangga anị.

Ahẹ Ụgama 108:9

Ohomorihi rẹ ka Imowabi vị ana yà anka ẹnya ọnị ọnị aa nyịna ụvọọ hi. Ọ rẹ ka ọnị o reè ne adava anị na tụ́ Edomi ana sị zụ ka ọnị ọ kụkụ nyị nị. Ọ kà ọnị aa jẹ ẹtẹẹtẹrẹ ka ọnị ọ sị ehuna Ihwirisitiya nyị.

2 Ịtọpa 26:8

Anamọnị nịnị ệ kụ́ ẹkẹhị irehi ẹnịnị va yị Uzaya, dị ọ vana nyị ụkata huu avọọ, dị ọ ngụrẹyị huu na ngụ ẹtẹ Anijipiti nị.

1 Ịtọpa 18:2

Idevidi ộ rẹ nyị ẹbẹẹba Animowabi nịnị, dị ẹnịnị kụkụ yà ahụ anị, dị ẹyaa tu ẹkẹhị irehii yọ nị.

2 Ohinọyị 17:3

Isarimanẹsẹrị ohinọyị Ásiriya ộ kụ́ ịrẹkụ tu Ihoseya, dị Ihoseya hụrẹ ẹngụ anị ụvọ yọ nị. Ihoseya vị ana vanaa kụ ịsa naa yọ ịrayị-ịrayị.

2 Ohinọyị 1:1

 nyị ịrayị ọnya aanị, ịjọnọọ ohinọyị Ahabị ô wusu, dị Animowabi nịnị nyima aa kụ̀ụ hịrẹ Anisirẹrị nịnị nị.

2 Ịsamụwẹrị 12:31

Di Idevidi za anẹkụra ọnọọ nị. Dị a kụ́ ẹnya ụkọrọ enyusẹ-enyusẹ ọnịrị ịraga yi wa ka ẹ̀ sịị mẹ̀ ụkọrọ nị. Dị ẹnịnị aa jị ịbụrọọkụ nị. Avọọ Idevidi mẹ̀ mẹ avaba anẹkụra Anamọnị nị. Di Idevidi ọnịrị avaba isoja anị varẹma aa nọ Ijerusarẹmị nị.

1 Ịsamụwẹrị 14:47

Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.

Ahẹ Ụgama 83:6

Ẹnịnị ana aa gẹ eyi awụ yị Anedomi, Anisimẹrị ene hi Imowabi ọnịrị Anihaga.

1 Ịsamụwẹrị 22:3

Di Idevidi rẹ hụụ ịzọọ, dị ọ nọ Imizipe ịnị ẹtẹ Imowabi nị. O mè tù ịzọọ dị ọ kà a yị ohinọyị Imowabi dị ọ ka ọ̀ navọ ọnyị anị beri ada anị ẹ̀ na yà ịdị ohinọyị ọnọọ pooro dị ọnị yẹ Ohomorihi ọ̀ọ mẹ vaa mẹ ụsẹ anị nị.

1 Ịsamụwẹrị 22:4

Di Idevidi navọ wa pè ohinọyị Imowabi, pooro ọ́ mẹ̀ yị yà ịzị ọ tẹ tụ́ nị.

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

Ahẹ Ụgama 18:45

E si zwe hụrẹ ịzị ẹ na tẹ̀ tụ́ Ẹnịnị aa dà ẹgahịị vẹ áyị màa hụrẹ wa ịnẹ.

Ahẹ Ụgama 60:10

Ohomorihi, navọ dê! u wéé si yi yi tịtẹ saka-saka nị? Wẹ yị kụkụ saasa isoja ayị nọ ịrẹkụ?