2 Ịsamụwẹrị 8:15 - IWE ỌNỊNỊ

¹⁵ Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

2 Ịsamụwẹrị 8:15 Referans Kwoze

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Ahẹ Ụgama 89:14

Ịsa ana vọrọ ọnịrị ịzẹyịza ụ jẹẹ ịrẹsụ anị aa mẹ ohinọyị nị. Ọza vị oni ụụ̄ sì ịrẹyị anị, wẹ mā mẹ ọza apẹ.

Ahẹ Ụgama 72:2

Navọ kwogwo ọ̀ọ sị ịzẹyịzaa mẹ ohinọyị anị, dị asị o sima ọkarẹyị mẹ yị aza ana aa rị ụya.

Emọsị 5:24

Ama dị Ẹnẹyịmavara kà ẹ̀ navọ aa sị ịzẹyịzaa mẹ̀ ọkarẹyị avaba aha.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ahẹ Ụgama 75:2

Ụ ka wa sị ụmẹ jị ọnị ụ vaa sị mẹ̀ ọkarẹyị. Ụ rẹ ka ọkarẹyị ịzẹyịza ụ vaa mẹ nị.

1 Ịtọpa 18:14

Idevidi ộ mẹ̀ ohinọyị tụra avaba Anisirẹrị ịrẹsụ, dị ọ mẹ ka aa mẹ̀ ebira ene zoza dị ọ rẹ vọrọọ hi aza anị nị.

2 Ịsamụwẹrị 5:5

Ọ mẹ́ yà Ihebirọnị, ộ mẹ̀ ohinọyị Anijuda ịrayị ịhịmba tụra ụhwẹ ịhịnọnyị. Ọ mẹ̀ va na yà Ijerusarẹmị, ọ rẹ mẹ ohinọyị avaba Anisirẹrị ẹnịrị Ijuda ịrayị ohurẹẹwụ tụra ẹẹta.

2 Ịsamụwẹrị 3:12

Dị Abịna ọ tụ́ ezida anị hi Idevidi ọ mẹ yà Ịhẹbịrọnị. Ọ kà ẹ̀ họ̀ ọ ka, “Ẹnẹ vaa vị ohinọyị ẹtẹ ọnọọ? Ẹmịrị ọ ọ̀ và ụvọọ bẹ, mị vaa mẹ ka avaba Anisirẹrị ẹ̀ và kú ọ ịrẹma.”

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:16

Ijowabi ana vi ozi Izeruya ọ vị ọga isoja nị. Dị Ijehosahwati ozi Ahirudi ọnị vị ọchẹrịsa ana chẹrẹ ịrẹyị ana aa mẹ eyinị-eyinị nị.

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

Ahẹ Ụgama 119:121

Ẹnẹyịmavara, ịsa ana vọrọ ini eyi awụ mị mẹ nị, mẹ yị mẹ̀ ịsa odivi; ka asị ụ hụrẹ mị ụvọ yị aza ana aa mẹ ehunaa mị.

1 Ịsamụwẹrị 14:47

Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.

2 Ịsamụwẹrị 15:3

Di Abịsarọmị ka, “wéē re, ịrẹyị ọkụmị-ọkụmị ịrẹyị awụ vị nọ. Ama ẹ yị nyị ọza ọnị ohinọyị nyị ka òo tụ́ ohii tụ́ ịnị ẹngụ ịrẹyị ẹnẹnị!”

2 Ịsamụwẹrị 20:23

Ijowabi ọnị vị ọga avaba isoja Anisirẹrị, di Ịbẹnaya ozi Ijehoyada ọnị si eyi pè aza ene ee sere Idevidi nị.

1 Ohinọyị 4:1

Isoromọnị ọ vị ohinọyị tụ́ ịrẹsụ avaba Anisirẹrị nị.