2 Ịsamụwẹrị 8:13 - IWE ỌNỊNỊ

¹³ Idevidi mẹ̀ na wụ Anarami ẹnị akawụ-akawụ oze ịhịịna ini ozi anọ-anọ, dị ọ vavẹ, dị ọ kụkụ ta ngụ ịrẹyị nị.

2 Ịsamụwẹrị 8:13 Referans Kwoze

2 Ohinọyị 14:7

Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

1 Ịtọpa 18:12

 nyị ọnọrụ ana aā hị́ Abisayi. Ọnyị anị ọ rị Izeruya nị. Ô pe Anedomi kụ̀ ịrẹkụ ínozi anọ-anọ, dị ọ nyị ẹbẹẹba ẹnịnị nị. Ộ wụ ẹnị akawụ-akawụ oze ịhịịna (18,000).

Ahẹ Ụgama 60:1

Ohomorihi, wa sị yị hụrẹ ụvọ, ộ! Wa raà mẹ ka ịrẹyị odivi ò tù yị Yâ yẹ ka waa kụ́ ayịị hi yi, navọ kwogwo wa varẹma za yị gụrị ẹngụ.

2 Ịtọpa 25:11

Amaziya ộ sị ayọvị kụ́ aza jịnẹ nọ ịrẹkụ ini ozi ẹtẹ anọ, dị ọ wụ́ isoja Anedomi akawụ-akawụ oze ẹẹhị (10,000) nị.

Oyinyima 11:4

Dị ẹ hị́ ẹngụ dị ẹ ka, “À vẹ ẹnị ẹ̀ dà ẹkụra ẹnịnị, di ẹnị ẹ̀ dà irehi ọgọdọ ọnya tụ́ ọ dị ọ̀ gọdọ na ngụ ịnị ihinẹba. Di aa sị ọnọọ hị́ ịrẹha ẹnịnị. Ẹ ka à yị vị avọọ vị ẹnị aa garaa hi ẹhẹ kẹnẹ nị.”

1 Ohinọyị 11:15

 nyị ụmẹ ọnya oni Idevidi sị na yà Edomi. Ịnị ụmẹ ọnọọ Ijowabi ana vị ọga isoja ộ nọ Edomi ka ọnị ò ne ne aza ana a wụ̀. Di Ijowabi za avaba anọrụ Anedomi dị ọ wụ̀ wa nị.