2 Ịsamụwẹrị 8:11 - IWE ỌNỊNỊ

¹¹ A mẹ̀ vavọọ kụ́ ẹnya ọnọọ na yi Idevidi, di Idevidi kụ́ ọ na yị Ẹnẹyịmavara ini irehi Ohomorihi nị. Avaba anẹkụra oni Idevidi òo si hu ẹtẹ éyi ịrẹkụ, avọọ ọ mẹ̀ẹ kụ́ ogu ẹnịnị naa yị Ẹnẹyịmavara nị.

2 Ịsamụwẹrị 8:11 Referans Kwoze

1 Ohinọyị 7:51

Avaba ụkọrọ oni Isoromọnị ohinọyị ka ọnị aa mẹ ini irehi Ẹnẹyịmavara ộ ta a mẹ. Ịjị Isoromọnị si irehi ọnọọ mẹ ta, dị ọ kụ́ avaba ẹnya oni Idevidi ada anị vịdị sị yị Ohomorihi, dị ọ kụ́ wa ne hi ịzị aā kụ́ ogu tẹ ini irehi Ẹnẹyịmavara nị. Ẹkẹhị ọnịrị igooru vi ene hi ịnị ẹnya ẹnẹẹ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

1 Ịtọpa 29:2

Ọ kà, ọnị ộ sị vụrị, ọnị o ree tenyi ịsa a vọrọ ka a sị da Irehi Ohomorihi tịtẹ. Ọnị ộ sị igooru, isiriva, enyusẹ irenyi-irenyi, ọchị ọnịrị ịrẹta ọkatarihi irenyi-irenyi tịtẹ yọ.

1 Ịtọpa 18:11

Ohinọyị Idevidi ộ kụ ẹyịza ẹnẹẹ tụ́ irenyi ka à sịị hẹkẹ Ẹnẹyịmavara. Avọọ ọ mẹ̀ rẹ mẹ isiriva ọnịrị igooru ọnị ọ kụ̀ hụrẹ ẹtẹ Edomi, Imowabi, Amọnị, Ihwirisiti ọnịrị ẹtẹ Anamarẹkị ọ̀ mẹ huna wa ịnị ịrẹkụ nị.

2 Ịsamụwẹrị 8:10

Di Ịtọyi va tụ́ ozi anị ana aā hị́ Ijoramị ka ọ̀ na kụ́ Idevidi, dị ọ̀ kụ́ ọ nyarị ịrẹsụ ọyịza ka ọ sị Ihadadeza hu ẹtẹ éyi ịrẹkụ nị. Ihadadeza vi ene vịdị ee pè Ịtọyii kụ̀ ịrẹkụ. Ijoramị ộ kụ́ ẹkẹhị ọnịrị igooru ne beri enyusẹ ovivi ana vị ịsa ẹkẹhị ka à kụ́ ọ na yị Idevidi.

2 Ịtọpa 5:1

Ịjị avaba ụkọrọ irehi Ẹnẹyịmavara ta Isoromọnị mẹ̀, dị ọ kụ́ avaba ẹnya ọnị ada anị Idevidi vịdị sị yị Ẹnẹyịmavara va tụ́ ịzị aa kụ́ ẹnya hi ịnị irehi Ohomorihi nị. Ộ kụ́ isiriva ọnịrị igooru ne beri avaba ẹnya ana vọ na hi ịzọọ.