2 Ịsamụwẹrị 7:29 - IWE ỌNỊNỊ

²⁹ Aarịhịnị navọ wa mẹ ka ò zee yị eehi emi ozi ahụ awụ, dị waa mẹ ọyịzaa yị wa pooro. Ẹnẹyịmavara Ochẹtẹẹngụ wa sị ọ kà, wa raà mẹ̀ aduwa yị eehi emi ozi ahụ awụ. Mâ yẹ ka irehi amị vi oni o vee zee yi pooro zịna-zịna.”

2 Ịsamụwẹrị 7:29 Referans Kwoze

1 Ịtọpa 17:27

Ọ kà ọnị aa mẹ̀ aduwa ka Ohomorihi ọ̀ mẹ ọyịza yị ezi anị, dị ẹnịnị ẹ̀ vaa rị aha anị pooro. Ọ́ sị ọyịza mẹ yị wa, avọọ ọ mẹ vaa mẹ ọyịzaa yị ẹnị ana vọ pooro zịna-zịna nị.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

2 Ịsamụwẹrị 8:1

 nyị ụmẹ ọnya oni Idevidi ọnịrị Anihwirisiti sị na kụ̀ ịrẹkụ dị ahịka Idevidi o hu wa ẹtẹ nị. Di Idevidi dọ ẹkụra ana aā hị́ Imetegama hụụnị ụvọ Anihwirisiti nịnị nị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.