2 Ịsamụwẹrị 7:22 - IWE ỌNỊNỊ

²² “Ẹnẹyịmavara Ochẹtẹẹngụ, wâ nyị ụbanyị o! nyị ọza ene e siī jị uwe awụ. Ẹ yị nyị Ohomorihi ọsa à yị vị ẹwụ. Â vịdị vavọọ sị sị ọ kà yị,

2 Ịsamụwẹrị 7:22 Referans Kwoze

Ahẹ Ụgama 86:10

Ẹwụ ịnya chọ̀chọ̀chọ̀ ọ vị Ohomorihi nị. Wâ nyị ụbanyị, avọọ ụ mẹ̀ ịsa ẹbanyị-ẹbanyị nị.

Ahẹ Ụgama 86:8

Ẹnẹyịmavara, ẹ yị nyị ori ene e siī juwe awụ, nyị ẹnị ẹwụrị aa mẹ ẹbẹ.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

1 Ịtọpa 16:25

Ẹnẹyịmavara ộ banyị, ọnị a vọrọ ka àa kụ́ avọ nị, ọnị a vọrọ ka aza ẹ̀ẹ sị ụbanyịị yị huna avaba ori nị.

Ayịsaya 45:5

Ọnị ọ vị Ẹnẹyịmavara nị. Ẹ yị nyị Ohomorihi ọsa ịrẹma anị. Ịsayịrọsị ọ yị daka yẹ ọnị, ọnị vaa sị ụkata ana vọrọ ka ọ nyị yị ọ.

Iwe Ọhụhị Imosiisi ana aa hị́ Ọyịvatụrọda 3:24

Taarụ! Ẹnẹyịmavara Ohomorihi, ozi ahụ awụ ộ yẹ ka u nyima kẹnẹ aa sị ọnị ịsa ọbanyị-ọbanyị ọnịrị ohyozirenu ọnị u vaa mẹ zụ̀ ọnị aanị nị. Ẹ yị nyị ori ọnyọọnyị ẹbẹẹba a vị ịrẹsụ ẹtẹ ana zụ mẹ avaba ịsa avụna-avụna ọnị ọ raà mẹ.

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.

Ahẹ Ụgama 89:8

Ẹnẹyịmavara, ana vi Ohomorihi Ochẹtẹẹngụ, ẹnị ẹ ka ọnịrị ẹwụ ộ vị ọpa? Ẹnẹyịmavara, mâ nyị ụkata, ịzẹyịza ụ sịị̄ mẹ avaba ịsa nị.

Ahẹ Ụgama 89:6

Ịnị avaba ịsa ene hi ẹbẹẹba, ye re ana a zụ sị ọnịrị Ẹnẹyịmavara juwe ẹngụ? Ye re ana ka ọnịrị Ẹnẹyịmavara ộ vị ọpa ịnị avaba aza ene hi ẹbẹẹba?

Ahẹ Ụgama 96:4

Ẹnẹyịmavara ộ banyị, ọnị a vọrọ ka àa kụ́ avọ nị. Ọnị a vọrọ ka aza ẹ̀ẹ sị ụbanyịị yị huna avaba ori nị.

Iwe Ọhụhị Imosiisi ana aa hị́ Ọyịvatụrọda 4:35

Ẹnẹyịmavara ộ maanị sị ịsa ẹnịnị zụ wa agụvị dị ẹ yẹ ka ọnị ịnya kẹnẹ ọ vị Ohomorihi. Ẹ yị nyị Ohomorihi ọsa ịrẹma anị.

Ayịsaya 40:18

Ẹnẹ a nyẹngụ sị juwe Ohomorihi kẹ? Sị a zụ sị jiwe anị kẹ?

Ahẹ Ụgama 48:1

Ẹnẹyịmavara vị ana nyayịnẹ nyị ụbanyị Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.

Ahẹ Ụgama 145:3

Ẹnẹyịmavara vị ana nyayịnẹ nyị ụbanyị. Avọọ a mẹ̀ rẹ vọrọ ka àa kụ́ ọ avọ nị, nyị ọza ana ka ọnị ộ yẹ ịzị ọ nyị ụbanyị ne tù.

Ahẹ Ụgama 135:5

Yẹ nịnị ka Ẹnẹyịmavara ộ nyị ụbanyị. Ananyị yị o huna avaba ori nịnị nị.

Ahẹ Ụgama 44:1

Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

Ezikẹẹrị 36:22

Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 40:25

Ẹnị a zụ sị juwe yị Ẹnẹyịmavara kẹ? Áá nyị ọza ene vene e?

2 Ịtọpa 2:5

Ọ kà irehi Ohomorihi ọnọnị vaa banyị ẹtẹẹtẹrẹ agụvị ka Ohomorihi o hụụnị ori ọnyọọnyị nị.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

Ezikẹẹrị 36:32

Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị.

Ọyịkụra 10:2

Ẹnẹyịmavara rẹ ka ịtọpa ọnọnị vị ọnị Imosiisi nịnị vaa kà a yị ezi ẹnịnị ọnịrị ezi ẹnịnị ịrẹma-ịrẹma. Ọ kà ọ vaa pa ịtaa zụ̀ wa ọnị mẹmẹ sị Anijipiti mẹ ịyẹyẹ, dị ọnị mẹ ịvọpa ịda ẹnịnị. Ẹnẹyịmavara rẹ ka oni ee sì ka ẹ̀ yẹ ka ọnị ọ vị Ẹnẹyịmavara nị.

Ọyịkụra 8:10

Di Ihwarawo ka ụhwọọ yọ nị. Di Imosiisi ka ọ mẹ̀ kà a avọọ, ọ vavọọ vaa yà, dị ọ̀ yẹ ka ẹ yị nyị ọza anka Ẹnẹyịmavara ana vi Ohomorihi ayị.

Ọyịkụra 9:14

Ọ kà ọ̀ kà a ka ọ̀ yị hụrẹ wa ụvọ ọnị vaa kụ́ ẹngụkataa tù ọnịrị anụkọrọ anị ne beri aza anị. Ọ kà ọ̀ kà a ka ọnọọ vaa mẹ ka ọ̀ yẹ ka ẹ yị nyị ọza anka ọnị Ẹnẹyịmavara ịnị avaba ẹhẹ.

1 Ohinọyị 8:23

dị ọ ka, “Ẹnẹyịmavara Ohomorihi Anisirẹrị, ẹ yị nyị Ohomorihi ọsa anka ẹngụ awụ ẹbẹẹbẹ ini ihinẹba àa vị ụvẹtẹ ịnị ẹhẹ. Ayamva ọnị ụ ka ụ vaa mẹẹ yị ezi ahụ awụ ana aa sị ayị ọnya zị ụsẹ ini eyi awụ, vị ọnị ụụ̄ mẹ.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ọyịkụra 8:6

Ịzẹyịza dị Eerọnị tana ụvọ hi enyi ene hi Ijipiti nị. Dị ọnyọ jịnẹ hi ẹhẹ, di avaba ẹtẹ ọnọọ kụkụ vị ọnyọ-ọnyọ nị.

Iwe Ọhụhị Imosiisi ana aa hị́ Ọyịvatụrọda 4:39

Agụvị avọọ, ẹ tamayị ajịnị, asị ayị hi wa ka Ẹnẹyịmavara ọ vị Ohomorihi ana nyị ẹbẹẹba ọnịrị ẹtẹ nị. Ẹ yị nyị ọsa.

2 Ịsamụwẹrị 22:32

Ẹnẹyịmavara ịnya kẹnẹ ọ vị Ohomorihi nị. A yị nyị ịsa ọsa o!