2 Ịsamụwẹrị 7:2 - IWE ỌNỊNỊ

² Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

2 Ịsamụwẹrị 7:2 Referans Kwoze

2 Ịsamụwẹrị 5:11

Ẹkụhị ọnya á nyị ohinọyị Ịtaya ọnya aanị ana aā hị́ Ihirami. Ộ tụ́ ezi ahụ anị dị ọ ka ẹ̀ kụ́ ọchị ẹbanyị, ẹbanyị ne beri ikahunta ọnịrị aza anaā sịị ịrẹtaa dà irehi nọ ịda Idevidi nị. E mè tù ịzọọ dị ẹ sị dà irehi ohinọyị yị Idevidi nị.

2 Ịsamụwẹrị 12:1

Ẹkụhị ọnya dị Ẹnẹyịmavara tụ́ Inatanị hi Idevidi nị. Inatanị mè tù ịda Idevidi dị ọ ka, “Â nyị ọza ẹnị ẹẹva aanị ana yà ịnị ẹkụra ọnya aanị. Ọnya vị opisa dị ọsa ọnị vị onosiye nị.

Odeyi 7:46

Ịrẹyị Idevidi ô zé Ohomorihi eyi, di Idevidi ka ọnị aa dà irehii yị Ohomorihi Ijekọvụ nị.

Ịjọọnụ 2:17

Dị ezirẹma anị sị tamayị ịrẹyị ana a vịdị chẹrẹ tụ́ ini Iwe Ohomorihi ka, “Oyisì ọnị mị nyị yị irehi Ohomorihi, ọ vaa wụ̀ mị nị.”

Ịhagayị 1:4

ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị?

1 Ịtọpa 29:29

 chẹrẹ ịtọpa ohinọyị Idevidi hụrẹ ụmẹ oni o si nyima na ngụ ẹzẹtẹ tụ ini iwe ọnịsẹ ẹẹta ẹnẹnị: Ịsamụwẹrị, Ịnatanị, ọnịrị Ịgaadị.

1 Ịtọpa 16:1

Ịjị ẹ raà sị apoti oto ọnọnị vẹ, dị ẹ sị ọ na tụ ịnị ajẹngụ ọnị Idevidi mẹ tịtẹ yọ nị. Ẹnịnị ệ mẹ̀ ịsọvọ ana aā rị ịra ọnịrị ịsọvọ ọ̀yị pe Ohomorihi mẹ uzee hi Ohomorihi ịzọọ.

Ahẹ Ụgama 132:5

pooro di oni ò tenyi aha ọnya yị Ẹnẹyịmavara, Ọnị ọ vị Ohomorihi Ochẹtẹẹngụ oni Ijekọvụụ̄ hẹkẹ nị.

2 Ịtọpa 1:4

Ama Idevidi ọ̀ vịdị raà sị apoti oto Ohomorihi hụrị Ikiriyati-Ijeyarimi va tụ ịnị ajẹngụ ọnị ọ hụvị anị jị tụ́ Ijerusarẹmị.

1 Ịtọpa 14:1

 nyị ụmẹ ọnya, dị Ihurami ohinọyị Ịtaya tụ ọnụtụ anị nịnị ve tu Idevidi nị. Ộ kụ ọchị isida, dị ọ rẹ kụ aza anaā sịị ịrẹtaa tụra irehi ọnịrị Ikahunta nịnị ve tu Idevidi ka ẹ̀ va da irehi yọ nị.

2 Ịsamụwẹrị 7:17

Ịzẹyịza dị Inatanị maanị na kà avaba ịrẹyị oni o re aanị yị Idevidi nị.

2 Ịsamụwẹrị 6:17

Aza ệ sị apoti Ẹnẹyịmavara vẹ, dị ẹ sị ọ tụ́ ịnị ajẹngụ oni Idevidi jị yọ nị. Di Idevidi mẹ̀ ịsọvọ ana aā rị ịra ọnịrị ịsọvọ ana aa gàa rị yị Ẹnẹyịmavara nị.

Ọyịkụra 40:21

Dị ọ sị apoti ọnọọ va tụ́ ịnị ajẹngụ, dị ọ sị ịta dị ọ sị jị ọ nị. Avọọ Ẹnẹyịmavara mẹ̀ kà a ka ọ̀ mẹ̀ ẹ nị.

2 Ịsamụwẹrị 11:11

Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

1 Ohinọyị 1:22

Ịbatịsẹba mẹ̀ maanị aa kịị kà ịrẹyị yị ohinọyị kẹnẹ, dị Inatanị vana ngụ eehi ve tù ọ nị.

1 Ohinọyị 8:17

Idevidi ada amị ọ va nyị ọ tụ́ ịnị ayị ka ọnị ee sì ka ọnị ọ̀ dà irehi yị ẹwụ Ẹnẹyịmavara ana vị Ohomorihi Anisirẹrị.

1 Ịtọpa 22:7

Idevidi ộ kà a yị Isoromọnị ka, oni ô sì ka ọnị ọ̀ dà irehi ana a vaa sị hị́ Ịrẹha Ẹnẹyịmavara, Ohomorihi anị.

2 Ịtọpa 9:29

Avaba ịsa ana vọ ọnị Isoromọnị mẹ̀ hụrẹ ụmẹ ọnị ọ sị rị ohinọyị na ngụ ọdịrẹma vị ana chẹrẹ tụ ịnị iwe ịtọpa Ịnatanị ọnịsẹ ọnịrị iwe ịsẹ Ahija Anisiro beri iwe etore Ido ana vị ọza ene re ẹtẹ yị Ijerobowami Ohinọyị Isirẹrị.

2 Ịtọpa 29:25

Ịrẹma ịsọvọ ẹnẹnị, Ihezekaya kụ Anireevi ọzọza tụ́ udi anị ini irehi Ohomorihi, dị ọ sị ịchacha eneē hu, igita, ọnịrị ẹnya isohu ana vọ yị wa anka Ẹnẹyịmavara mẹ ka yị Idevidi ọnịrị ọnịsẹ Igadi ọnịrị Ịnatanị nị

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

1 Ohinọyị 4:5

Azariyahụ ozi Inatanị ọnị vị ọga Ịgọvọnọ ẹkụra eweyi-eweyi. Ohirẹsụ ịrẹsụ irehi Ohomorihi ana aā hị́ Izabudi ana vi ozi Inatanị ọnị vị ọta ohinọyị.

Ahẹ Ụgama 132:2

Ẹnẹyịmavara, tamayị ka Idevidi ô hị́ eku yị ẹwụ Ohomorihi Ochẹtẹẹngụ, ẹwụ Ohomorihi oni Ijekọvụụ̄ hẹkẹ.