2 Ịsamụwẹrị 7:16 - IWE ỌNỊNỊ

¹⁶ Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

2 Ịsamụwẹrị 7:16 Referans Kwoze

2 Ịsamụwẹrị 7:13

Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ahẹ Ụgama 45:6

Ohomorihi, ẹwa vị ohinọyị pooro zịna-zịna nị Ịzẹyịza ẹwụ vaa sị mẹ ohinọyị awụ nị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Anihiburu 1:8

Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

Ịjọọnụ 12:34

Dị ọkọnị aza ẹnẹẹ tụ́ ohi, dị ẹ ka, “Yâ wụ́ ka ọda ayị ộ kà a ka vị Ikirisiti vaa yà ịzọọ pooro zịna-zịna nọ! Sị ẹ vavẹ dị ẹwụ ka a vaa sị Ozi ọza onigirimaa tụ́ ẹba? Ẹnẹ va vị Ozi ọza onigirima ọnọọ?”

2 Ohinọyị 19:34

Ọnị vee sere ẹkụra ọnọnị, dị ọnị ẹ ị zẹẹ ka à nyị ịsị ẹ mẹ̀ ẹ. Ọnị vavọọ vaa mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

Ahẹ Ụgama 72:5

Navọ ohinọyị ò ve kú orubo ẹtẹẹtẹrẹ, dị ahịka irima anị ẹ vị vaa rị ohinọyị pooro nị. Èee rị re ọyị ọnịrị ụhwẹ, ahịka ẹnị ẹ vị vaa rị ohinọyị nị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

2 Ịsamụwẹrị 7:17

Ịzẹyịza dị Inatanị maanị na kà avaba ịrẹyị oni o re aanị yị Idevidi nị.

1 Ohinọyị 9:5

ẹwa vaa vi ohinọyị Anisirẹrị pooro zịna-zịna nị. Avọọ m mẹ̀ vịdị kà yị Idevidi ada awụ nị ka wẹ yị vaa zẹẹ ka asị a nyị ọza ana vaa dọ ọ ịrẹsụ ana vaa rị ohinọyị Anisirẹrị.

Ahẹ Ụgama 89:4

Ụ ka ụ vaa sị ahụ amịị jẹẹ pooro, dị ụ rẹ mẹ ka asị a nyị ọza ana zụ dọ ọ ohinọyị pooro.

Ijeremaya 17:25

Ọnọọ vaa mẹ ka ohinọyị nịnị vanaa rị Ijerusarẹmị dị a sị ụkata ohinọyị yị ẹnịrị ezi ẹnịnị anka ohinọyị Idevidi. Ẹnịrị Anijuda nịnị beri Anijerusarẹmị nịnị vaa tụra ụkẹkẹ ịrẹkụ ọnịrị umaata, dị Ijerusarẹmị kụkụ vị ohihi yị aza pooro kẹnẹ.

Ijeremaya 33:17

Ẹnẹyịmavara kà, ezi Idevidi ẹ vaa rị ohinọyị Isirẹrị pooro nị.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

2 Ohinọyị 8:19

Ama Ẹnẹyịmavara e yi sì ka ọnị ò vu Ijuda ẹtẹ, agụvị ka ộ vịdị si oto wo yị ozi ahụ anị Idevidi ka ịpa ezi anị ẹ vaa rị ohinọyị Ijuda pooro nị.

2 Ịtọpa 6:16

Ọ rẹ wo oto ka ẹ yị vaa nyị ụmẹ ọnya ana ahịka ẹ yi vị anovwoovu Idevidi aa rị ohinọyị Isirẹrị ẹnịnị ẹ̀ẹ sị vụrụ saasa ọda anị anka ọnị.

Ijoovu 36:7

Ohomorihi ee sere aza anaa mẹ̀ ịzẹyịza nị. Ọnị ọ sị wa tụ́ udi ọbanyị beri ohinọyị nịnị, dị ụbanyị ẹnịnị ẹ yị vaa sa pooro zịna-zịna.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.