2 Ịsamụwẹrị 7:15 - IWE ỌNỊNỊ

¹⁵ Mi vee sì ịrẹyị anị pooro nị. Ẹ yị nyị ụmẹ ọnị mị va sịị̄ sị ịrẹyị anịị hụụnị ayị amị. Ịsọọrụ mị sị kwooze dị mị si Idevidi rị ohinọyị nị.

2 Ịsamụwẹrị 7:15 Referans Kwoze

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

Ahẹ Ụgama 89:28

Dị ụ rẹ ka vi u vee sì ịrẹyị anị pooro nị, ka ịsị ụ kà tịtẹ ka ụ vaa mẹẹ yọ, ẹ yị nyị ịsị ẹẹ̄ vara a.

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

1 Ohinọyị 11:13

Mẹ yị rẹ vaa dọ wụ̀ avaba ohinọyị ọnọọ, Mị vaa sị ịrẹsụ Anisirẹrị ọnya yọ dị ọ̀ọ rị ohinọyị ẹnịnị. Mị vavọọ vaa mẹ̀ ẹ agụvị Idevidi ozi ahụ amị ọnịrị agụvị Ijerusarẹmị ọnị mị sị nyị.”

2 Ịsamụwẹrị 7:14

Ẹma vaa vị ada anị, dị ọnị vi ozi emi nị. Ozi anị ọnọọ ọ̀ọ mẹ ịrẹyị dị mị jị inori ana aza siī tụ́ ozi, dị mị vavọọ si tụ́ ọ.

1 Ịsamụwẹrị 16:14

Ụhwẹ Ẹnẹyịmavara ọ sị hụụ ịda Ịsọọrụ. Dị Ẹnẹyịmavara tụ́ ụhwẹ odivi ka ọ naa sị ụyaa rị Ịsọọrụ nị.

Ayịsaya 37:35

Ọnị vee sere ẹkụra ọnọnị, dị ọnị ẹ yị zẹẹ ka à nyị ịsị ẹ mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

Ahẹ Ụgama 89:34

Ụ ka ịrẹyị ọnị ụ ra kà tịtẹ ka ụ vaa mẹ vị ọnị ụ vaa mịị mẹ ka ịsa ọnị ụ raà sị irenu awụ kà, wẹ yị vàa hụụnị anị.

2 Ịsamụwẹrị 7:16

Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

1 Ịsamụwẹrị 19:24

Dị Ịsọọrụ yà eyi Ịsamụwẹrị dị ọ ngwa awuru anị dị ọnị raa kà ịsẹ nị. Dị Ịsọọrụ vavọọ hụtụ pooro ọọdụ ọnịrị ịrahụ nị. Ọnị ọ mẹ ana a sịị̄ kà a ka, “Anị ka vị Ịsọọrụ ọnị rẹ yà ịnị ọnịsẹ nịnị nị?”

Ahẹ Ụgama 89:33

Ụ ka ama vi u vee sii sì ịrẹyị ẹnịnị nị, dị waa vịị vayị ẹnịnị.

Ahẹ Ụgama 89:49

Ẹnẹyịmavara, ịrẹyị ayị ọnị ụ vịdị maanị nyayịnẹ sì yọ? Avaba ịsa ọnị ụ hị́ eku ka ịzẹyịza ụ vaa mẹẹ yị Idevidi, ịzị ẹ yà?

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”

Ahẹ Ụgama 89:31

dị ẹ yaa mẹ̀ ịsa ọnị ụ ka asị ẹ mẹ, dị ẹ̀ yị sị eyi pè ọda awụ nịnị,