2 Ịsamụwẹrị 7:14 - IWE ỌNỊNỊ

¹⁴ Ẹma vaa vị ada anị, dị ọnị vi ozi emi nị. Ozi anị ọnọọ ọ̀ọ mẹ ịrẹyị dị mị jị inori ana aza siī tụ́ ozi, dị mị vavọọ si tụ́ ọ.

2 Ịsamụwẹrị 7:14 Referans Kwoze

Anihiburu 1:5

Ẹ́ yị nyị anggẹẹrị oni Ohomorihi kà a yị da ka, “Ẹwa vị ozi emi nị, ajịnị mị ma wụ nị.” Ohomorihi ọọ̀ yị rẹ kà a yị anggẹẹrị ọnyọọnyị da ka, “ọnị vaa vị Ada anị, dị ọnị ọ rẹ vị ozi anị.”

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

1 Ịtọpa 28:6

Ọ kà Ẹnẹyịmavara ộ kà a yị ọnị ka Isoromọnị ọ vaa da irehi ọnị Ohomorihi nị. Ẹnẹyịmavara kà ọnị ọ raà nyị Isoromọnị ka ọ̀ vị ozi anị; ọnị vaa vị adaa yọ.

1 Ịtọpa 17:13

Ẹnẹyịmavara kà ọnị vaa vị ada anị, dị ọ vị ozi anị. Ọnị ẹ yị vaa và ịrẹma anị anka ọnị mẹ̀ và ịrẹma Ịsọọrụ, ọ ka ọnị ọ hụrẹ Ịsọọrụ ka a sị ọ kụkụ rị ohinọyị nị.

Iwe Ọhụhị Imosiisi ana aa hị́ Ọyịvatụrọda 8:5

Tamayị ka Ẹnẹyịmavara ana vị Ohomorihi awụ nịnị vị anaā tụ ọza ohuvọ anka aza ana ma ọza avọọ.

1 Anịkọrịntị 11:32

Ama Ananyị yị mẹ̀ ọkarẹyị yị, dị ọ sị ụya rị yị, agụvị asị ọ na kụkụ jị ịvị yị ẹyịrị anẹhẹ vabẹ.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Ijoovu 5:17

Ọza ọ̀ọ mẹ̀ ebira odivi, asị ọ sị eyi wụ ohuvọ Ohomorihi Ochẹtẹẹngụ. A vọrọ ka o re e ịrẹsụ ọyịza yị ẹngụ anị nị.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.

1 Ohinọyị 9:6

Ama ẹnị beri ezi ẹnịnị ẹ̀ẹ na và ịrẹma amị, dị ẹnịnị ẹ̀ yị si eyi pè ọda amị ọnị mị mẹ yị wa nị, ẹ̀ẹ na saasa ori dị ẹ yaa hẹkẹ ori, di eyee kú ẹtẹ yị wa nị,

1 Ohinọyị 11:34

Ẹnẹyịmavara kà ọnị ọ yị vaa dọ avaba ohinọyị ọnọọ hụrẹ ẹ ụvọ, ọnị ọ vị vaa vị ohinọyị pooro dị ọ̀ hụrẹ ẹhẹ nị, agụvị ịrẹyị Idevidi ozi ahụ anị. Ọ kà Idevidi ọnị nyị, di o si eyi pè ịrẹyị anị ọnịrị ọda anị nị.

1 Ịtọpa 22:10

Ẹnẹyịmavara kà ozi anị ọnọọ ọ vaa dà Irehii yị ọnị nị. Ọ kà ozi anị ọ vaa vị nị, dị ọnị vị ada yọ. Ezi anị ịrẹma-ịrẹma ẹ vaa vị ohinọyị Isirẹrị pooro nị.

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.