2 Ịsamụwẹrị 7:13 - IWE ỌNỊNỊ

¹³ Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị.

2 Ịsamụwẹrị 7:13 Referans Kwoze

1 Ohinọyị 8:19

Ụ ka ẹ yị vị ọnị ọ vaa dà irehi wụ, ama ozi ọnị ọnị ụvọta ma ọ vaa dà irehi wụ nị.

1 Ohinọyị 5:5

Avọọ mê ro o ka maa dà irehi yị Ẹnẹyịmavara Ohomorihi amị. Ohomorihi ộ vịdị vavọọ kà a yi Idevidi ada amị ka ọ̀ yà ịrẹsụ ode ohinọyị anị ọ vaa dà irehi yị ọnị nị.

Ahẹ Ụgama 89:4

Ụ ka ụ vaa sị ahụ amịị jẹẹ pooro, dị ụ rẹ mẹ ka asị a nyị ọza ana zụ dọ ọ ohinọyị pooro.

1 Ohinọyị 6:12

“Irehi ọnọnị ọnị ụ dà aanị, wàaa saasa ọda amị dị waa mẹ ịsị mi sì nị, di u re si eyi pè avaba ọda ọnị mị mẹ nị, dị waa mẹ wa nị, ịsa ọnị mị kà yi Idevidi ada awụ vị ọnị maa mẹẹ yị wụ, vị ọnị mị vaa yà ịnị anị.

Ịzakaraya 6:13

Ọnị ọ vaa da irehi ọnọọ, dị ọ rị ohinọyị. Ọ vaa mẹ ịjọva tụra aza anị ịrẹsụ nị ohirẹsụ irehi Ohomorihi vaa jẹẹ pe e, dị ẹ vabẹ aa mẹ̀ ụkọrọ ịnị ẹngwọọrọ.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ahẹ Ụgama 89:29

Wa rẹ kà a ka ovwoovu anị vị ọnị ụ vaa sị jẹẹ pooro, dị ahịka ọnị ọ vị ohinọyị pooro zịna-zịna nị.

2 Ịsamụwẹrị 7:16

Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

Anihiburu 3:3

Ọza ana da irehi ọ nyị ụbanyị huni irehi ọnị ọ dà nị. Avọọ Íjeesu mẹ̀ nyị ụbanyị huni Imosiisi ẹtẹẹtẹrẹ nị.

Ayịsaya 49:8

 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.

Ahẹ Ụgama 89:21

Ụ rẹ ka ụ vaa gụ ọ ụvọ dị ụ sị ụkata yọ.

1 Ịtọpa 28:10

Idevidi ka Isoromọnị ọ̀ yẹ ka Ẹnẹyịmavara ộ nyị ọ ka ọ̀ dà irehi oni Ohomorihi yị ọnị. Ọyaanị, ò re ka ọnị ọ́ọ sị vụrị dị ọ̀ dà a.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

2 Ịsamụwẹrị 7:27

“Ẹnẹyịmavara Ochẹtẹẹngụ ana vị Ohomorihi Anisirẹrị wa raà sị zụ̀ ẹmị ozi ahụ awụ ka ụ vaa si irehi amịị jẹẹ. Ọnị ọ mẹ ka ma nyị ayị dị ma maanị mẹ̀ aduwa nị.

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

1 Ohinọyị 2:24

Ẹnẹyịmavara ọ sị mị jẹẹ, dị ọ mẹ ka ma vị ohinọyị di Idevidi ada amị ịrẹsụ nị. Ọnị ọ sị irehi mi anka ọ mẹ̀ kà a yi Idevidi nị. Ẹnẹyịmavara ọnọọ ọ̀ọ yà ịzọọ, ajịnị Adonija ee sú nị.”

1 Ohinọyị 2:45

Ama Ẹnẹyịmavara vị ana vaa mẹ ka ò zee yi emi Isoromọnị ohinọyị. Ọ yị vaa zẹẹ ka ohinọyị oni Idevidi rị ọ nyị ịrẹyị pooro zịna-zịna.”

1 Ohinọyị 8:13

Irehi ọkụmị-ọkụmị ọnọnị vị ọnị dà wụ. Ịzị ụ vaa yà pooro ọ vị nị.

1 Ohinọyị 8:15

Dị ọ ka, “Ẹnẹyịmavara Ohomorihi Anisirẹrị avọ. Ịsa ọnị ụ kà yi Idevidi ada amị ka wụ vaa mẹ, wa va sị ọ mẹ. Ụ ka

2 Ohinọyị 21:4

Avọọ ô me re hi ụta ori hi ịnị irehi Ẹnẹyịmavara, ịzị ọ ka a vaa ya hẹkẹ ọnị.

2 Ịtọpa 33:4

Dị Ịmanasẹ re hi ụta ana a sịị̄ mẹ̀ ịsọvọ yị ori tụ́ ịnị irehi Ẹnẹyịmavara, ịzị ọ kà aa hẹkẹ ọnị pooro zịna-zịna.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

2 Ohinọyị 8:19

Ama Ẹnẹyịmavara e yi sì ka ọnị ò vu Ijuda ẹtẹ, agụvị ka ộ vịdị si oto wo yị ozi ahụ anị Idevidi ka ịpa ezi anị ẹ vaa rị ohinọyị Ijuda pooro nị.

2 Ohinọyị 21:7

Dị ọ sị ọchị ori Asẹra ana a bẹ tụ́ ịnị irehi Ohomorihi nị, ịzị Ẹnẹyịmavara ộ kà yị Idevidi ọnịrị Isoromọnị ozi anị ka ịzọọ ọnị nyị ka avaba ịrẹsụ Anisirẹrị vaa ya hẹkẹ ọnị nị.

2 Ịtọpa 6:16

Ọ rẹ wo oto ka ẹ yị vaa nyị ụmẹ ọnya ana ahịka ẹ yi vị anovwoovu Idevidi aa rị ohinọyị Isirẹrị ẹnịnị ẹ̀ẹ sị vụrụ saasa ọda anị anka ọnị.

Ijoovu 36:7

Ohomorihi ee sere aza anaa mẹ̀ ịzẹyịza nị. Ọnị ọ sị wa tụ́ udi ọbanyị beri ohinọyị nịnị, dị ụbanyị ẹnịnị ẹ yị vaa sa pooro zịna-zịna.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 33:17

Ẹnẹyịmavara kà, ezi Idevidi ẹ vaa rị ohinọyị Isirẹrị pooro nị.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịzakaraya 6:12

Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị.