2 Ịsamụwẹrị 7:1 - IWE ỌNỊNỊ

¹ Ịjị Idevidi reè ku ayẹtẹ ini eehi anị. Ẹnẹyịmavara ọ raà mẹ ka asị ọnịvị anị ana ra kara kụkụ kụ́ ọ kata a ẹngụ.

2 Ịsamụwẹrị 7:1 Referans Kwoze

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

1 Ohinọyị 5:4

Booro aanị, Ẹnẹyịmavara Ohomorihi amị ọ raà sị ẹngwọọrọ yị mị eyi ụvọnị-ụvọnị; kụkụ nyị ọbarọza, à yi nyị ka mee hí angwa ka ịrẹyị aa vẹ.

2 Ịtọpa 14:6

Ịnị ụmẹ ohinọyị anị, Ẹnẹyịmavara ộ mẹ̀ ẹngwọọrọ yọ, dị ẹ yị nyị ịrẹkụ ịnị ịrayị ọrụrụ-ọrụrụ. Avọọ ô re oze jị ọvọ kara ẹkụra ene hi ịnị Ijuda nị.

Ahẹ Ụgama 18:1

Ẹnẹyịmavara, mê sì ịrẹyị awụ ẹtẹẹtẹrẹ. Ẹwaa aa sị ụkata yị mị nị.

Ijosuwa 23:1

Ẹnẹyịmavara ọ̀ navọ Anisirẹrị nịnị ka ẹ ra ịnị ẹngwọọrọ ịnị ụmẹ ọgọdọ. Ịjọnọọ, Ijosuwa o si bo ẹtẹẹtẹrẹ.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Odeyi 7:46

Ịrẹyị Idevidi ô zé Ohomorihi eyi, di Idevidi ka ọnị aa dà irehii yị Ohomorihi Ijekọvụ nị.

2 Ịsamụwẹrị 6:23

Avọọ Imikari ozi Ịsọọrụ ọnọọ o yi re ozi ma pooro di o sú.

2 Ịsamụwẹrị 7:11

Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị.

2 Ịsamụwẹrị 5:11

Ẹkụhị ọnya á nyị ohinọyị Ịtaya ọnya aanị ana aā hị́ Ihirami. Ộ tụ́ ezi ahụ anị dị ọ ka ẹ̀ kụ́ ọchị ẹbanyị, ẹbanyị ne beri ikahunta ọnịrị aza anaā sịị ịrẹtaa dà irehi nọ ịda Idevidi nị. E mè tù ịzọọ dị ẹ sị dà irehi ohinọyị yị Idevidi nị.

1 Ịtọpa 22:6

Ộ tụ́ hị́ ozi anị Isoromọnị, dị ọ tụ́ ọ irenu ẹtẹẹtẹrẹ ka asị a nyị ka ẹ yị dà Irehi yị Ẹnẹyịmavara, Ohomorihi Anisirẹrị nịnị o.

1 Ịtọpa 22:7

Idevidi ộ kà a yị Isoromọnị ka, oni ô sì ka ọnị ọ̀ dà irehi ana a vaa sị hị́ Ịrẹha Ẹnẹyịmavara, Ohomorihi anị.

1 Ịtọpa 28:2

Ịjị ẹ sị gụ, Idevidi ộ jẹẹ ọvịdị ẹnịnị, dị ọ ka: Ẹwụ nịnị anda ayị, à sị ụtọ pe ịrẹyị anị. Oni ee si ka ọnị ọ̀ da irehi ịzị apoti oto vaa yà pooro. Ịzọọ ode ọnị Ẹnẹyịmavara Ohomorihi ayị vaa kụ ahụụ hi vaa yà nị. Ọ kà ọnị ẹnya tenyi hi ẹtẹ ọ̀yị da irehi ọnọọ.

2 Ịtọpa 20:30

Avọọ Ijehosahwati mẹ̀ ịjọva ịnị ẹngwọọrọ, dị Ohomorihi sere e ẹngụ ọmọọma.

Ahẹ Ụgama 132:5

pooro di oni ò tenyi aha ọnya yị Ẹnẹyịmavara, Ọnị ọ vị Ohomorihi Ochẹtẹẹngụ oni Ijekọvụụ̄ hẹkẹ nị.

Imatiwu 25:16

Ọza ana dọ achuchu ẹẹhị aanị, ộ sị na sẹ ohu, dị ọ rẹ rị ọgụ achuchu ẹẹhị tụ́ ọ nị.