2 Ịsamụwẹrị 6:20 - IWE ỌNỊNỊ

²⁰ Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

2 Ịsamụwẹrị 6:20 Referans Kwoze

2 Ịsamụwẹrị 6:16

Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

2 Ịsamụwẹrị 6:14

Di Idevidi chire ịharamịra ana a si owu ozoza hi ịta anị, dị aa sị avaba ẹngụ anịị nyị ẹzẹ, dị a sịị sị ụbanyịị yị Ẹnẹyịmavara nị.

Ọdọvịdị 9:4

Dị Anịsẹkẹmị nịnị sị ẹkẹhị isiriva ẹtarẹwụ hụụ ịnị irehi ori ẹnịnị ana aā hị́ Ịbaarị-Iberiti yị Abimẹrẹkị nị. Dị Abimẹrẹkị dọ wa ẹkẹhị ọnọọ, dị ọ dọ aza kẹnẹ-kẹnẹ ọnị ọ kụkụ a kụ tụra ẹngụ aa zịịzị nị.

Ịmaakị 3:21

Ịjị aza anị Ijeesu maanị wụ́, dị ẹ na ka ẹnị ẹ̀ na sị ọọ hụụ ịzọọ nị, agụvị ka vị aza kà a ka vi ee che uvu nị.

Ahẹ Ụgama 101:2

Mị vaa sị ụvọọ za ẹngụ amị, di me re ka mẹ yị mẹ̀ ebira ana a vaa sị tụ́ mị ohuvọ. Ịhị waa naa vẹ ịda amị? Mẹ yị vaa zẹẹ ka ma mẹ̀ ebira ana a vaa sị tụ́ mị ohuvọ ini eehi amị.

Ahẹ Ụgama 30:1

Ẹnẹyịmavara ẹwụ mị vaa sị ụbanyịị yị nị agụvị ka wa sị mị dọ tụ́ Wẹ rẹ vaa navọ ka ọnịvị amị è huna mị dị ẹ̀ vaa jẹ.

Ijoovu 30:8

Ijoovu ka ọnụra ẹ vị nị. Ẹ yị nyị ịsa ẹ vị ini ọza. Â ra dụ wa hụụnị ẹkụra.

1 Ịtọpa 16:43

Avaba aza ê hụụ ịzọọ, dị ọzọza và nọ ini eehi anị nị. Idevidi ọnị ọ rẹ và nọ ini eehi anị, dị ọ na mẹ̀ aduwa yị ovwoovu anị nị.

2 Ịsamụwẹrị 6:18

Ịjị Idevidi vavọọ sị ịsọvọ ẹnẹẹ mẹ, dị ọ ka Ẹnẹyịmavara Ochẹtẹẹngụ ọ̀ navọ ò zee yị aza ẹnẹẹ nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ịjọọnụ 13:6

Dị Ijeesu ve si tù ịdị Ịsayịmọnị Ipita nị. Dị Ipita ka: “Ananyị yị ụ wáá vị ana aa vaa nyịna mị ahụ nị?”

Ịmaakị 14:66

Ípita ọnị mẹ̀ yà ụvẹtẹ ini ohweje, dị ọnyara ini ezi ahụ anẹẹ ohirẹsụ ọbanyị irehi Ohomorihi vẹ nị.

1 Ịsamụwẹrị 14:49

Ezi Ịsọọrụ ẹ vị Ijonatani, Isivi ọnịrị Imarikisuwa Ịrẹha ozi anị ọnẹẹ ana vị ọzọkụ ọ rị Imerabi dị ana vi ozweyi ọnị vị Imikari nị.

2 Ịsamụwẹrị 6:19

Di Idevidi gà ịsọyịrị yị avaba ọkọnị aza ẹnẹẹ nị. Ọnọrụ ọnịrị anẹẹ vị ọnị ọ gà ịsa yị. Ịbụrẹẹdị ọnịrị akara ana a sị ẹtụtụ ịvayịnị jị ne beri Ịbụrẹẹdị ana a sị ẹtụtụ agịga tụ́ ịnị anị ọ vavọọ gà yị wa nị. Ịjị ẹ sị mẹ ta, dị ọzọza aa nọ eehi anị nị.

Ịrẹyị Ọzwọzịsa 7:17

Ama asị ụ rẹ na chamayị avị ka wa rẹ na mẹ ụra ẹnẹmẹhị. Asị ụ wụ ẹngụ awụ dị ụmẹ awụ o ve tu.

1 Ịsamụwẹrị 18:20

Ama ozi Ịsọọrụ ọsa ana rẹ vị ọnẹẹ ana aā hị́ Imikari oni ô sì ịrẹyị Idevidi. Ịjị a maanị na kà a yị Ịsọọrụ, ô hine e ẹtẹẹtẹrẹ.