2 Ịsamụwẹrị 6:17 - IWE ỌNỊNỊ

¹⁷ Aza ệ sị apoti Ẹnẹyịmavara vẹ, dị ẹ sị ọ tụ́ ịnị ajẹngụ oni Idevidi jị yọ nị. Di Idevidi mẹ̀ ịsọvọ ana aā rị ịra ọnịrị ịsọvọ ana aa gàa rị yị Ẹnẹyịmavara nị.

2 Ịsamụwẹrị 6:17 Referans Kwoze

2 Ịtọpa 1:4

Ama Idevidi ọ̀ vịdị raà sị apoti oto Ohomorihi hụrị Ikiriyati-Ijeyarimi va tụ ịnị ajẹngụ ọnị ọ hụvị anị jị tụ́ Ijerusarẹmị.

1 Ịtọpa 15:1

Idevidi ộ da irehi anị tụ ịzị aā hị́ ẹkụra Idevidi. Ô re tenyi aha tịtẹ yị apoti oto Ohomorihi, dị ọ́ jị ajẹngụ yọ nị.

Ahẹ Ụgama 132:8

Ẹnẹyịmavara, navọ wa kwẹẹtẹ dị wa vẹ ịzị ụụ̄ yà. Navọ ẹwụrị apoti ọnọọ ana jẹẹ yị ụkata awụ ọ̀ dudu vẹ.

1 Ohinọyị 8:5

Isoromọnị ọnịrị avaba ịragụ Anisirẹrị ana wara gụ pè e ọvịdị apoti ọnọọ ệ kụ́ atẹmẹ ọnịrị imaaru otomiroku mẹ̀ ịsọvọ. Uye ịsọvọ ẹnẹẹ ệ rụrụ pooro ana ahịka ọza ọ yị zụ za a ịrịka.

2 Ịtọpa 5:6

Isoromọnị ohinọyị ọnịrị avaba ịragụ ya ọvịdị apoti oto dị ẹ wụ́ atẹmẹ ọnịrị ụnọ ọrụrụ ọnị ọza ẹ yẹ za ịrịka mẹ̀ ịsọvọ nị.

1 Ịtọpa 16:1

Ịjị ẹ raà sị apoti oto ọnọnị vẹ, dị ẹ sị ọ na tụ ịnị ajẹngụ ọnị Idevidi mẹ tịtẹ yọ nị. Ẹnịnị ệ mẹ̀ ịsọvọ ana aā rị ịra ọnịrị ịsọvọ ọ̀yị pe Ohomorihi mẹ uzee hi Ohomorihi ịzọọ.

Ireevi 3:9

dị ọ va ku ịsa ẹnẹnị hụụnị ịsụpa ọnọọ vẹ ana a vaa rị ịra anka ịsị ịsọvọ ana sị va yị Ẹnẹyịmavara: ụhị ana kụ hụụnị ochomu anị, ụhị ana aa kụ hụrị ọgụrị ẹchụkụ ịrẹma anị, ọnịrị avaba ụhị ene ku ẹnya ịnịnẹ anị,

1 Ịtọpa 6:31

Á mẹ̀ raà sị apoti oto Ohomorihi na ngụ Ijerusarẹmị aza ẹnẹnị ohinọyị Idevidi nyị ka ệ mẹ aahẹ ini Irehi Ohomorihi Íjerusarẹmị nị.

1 Ịtọpa 15:3

Idevidi ộ kụ avaba Anisirẹrị nịnị gụ Ijerusarẹmị, ka à na sị apoti oto Ẹnẹyịmavara va tụ ịzị ọnị reè tenyi tịtẹ yọ.