2 Ịsamụwẹrị 6:14 - IWE ỌNỊNỊ

¹⁴ Di Idevidi chire ịharamịra ana a si owu ozoza hi ịta anị, dị aa sị avaba ẹngụ anịị nyị ẹzẹ, dị a sịị sị ụbanyịị yị Ẹnẹyịmavara nị.

2 Ịsamụwẹrị 6:14 Referans Kwoze

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

Ọyịkụra 15:20

Di Imeriyamị ana vị ọnịsẹ ana vị onyeyiza Imosiisi sị ọpanyị ana sịị̄ jị ahẹ nị; ụvọ dị ẹ yaa dụ ọ ịrẹma dị ẹ yaa nyị ẹzẹ nị.

Ahẹ Ụgama 150:4

We hú àgidibò irenyi-irenyi ọnịrị ọkangga beri okokoro, dị waa nyị ẹzẹ, dị waa kụ́ ọ avọ nịnị.

Ahẹ Ụgama 149:3

Wee hú ọkangga ọnịrị àgidibò, dị waa nyị ẹzẹ dị waa kụ́ ọ avọ nịnị.

Ọdọvịdị 11:34

Ịjị Ịjẹhwịta varẹma aa vẹ eehi anị Imizipa, dị ozi ọnẹẹ anị zwe va gẹrị ọ, dị e hu ịsa, dị a nyị ẹzẹ nị. Avọọ Ịjẹhwịta mẹ yị ma ozi ọnẹẹ ọnọọ ikonya nị. Ẹ yị ma ozi ọnọrụ àvị ọnẹẹ ọsa vaka a.

Anikorasi 3:23

Avaba ịsị ụ wàa mẹ, waa sị ayị ọnyara mẹẹ anka ọza ana aa mẹ ụkọrọọ yị Ananyị yị! Asị ụ mẹ̀ ẹ anka ọza ana aa mẹ ụkọrọọ yị ọza kẹnẹ.

Ahẹ Ụgama 30:11

Ẹmị vị ana ayị anị vịdị du, wa raà mẹ ka ayị amị ọ kukuu hine, dị maā nyị ẹzẹ Ụ ka asị mi kuku sụ ùnè, ama maa jẹ,

1 Ịsamụwẹrị 2:28

Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.

Iruuku 15:25

“Ịnị ụmẹ ọnọnị, ozi anị ana vị ọzọkụ ọnị yà ịnị aarẹ. Ọ màa vẹ, di aa vaa ngụ eehi, di aa wụ́ aahẹ ịrẹyị ọnịrị aza maa nyị ẹzẹ nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

1 Ịtọpa 15:27

Idevidi vị ene chire awuru ọgọdọ ọvwọọvụ anka awuru ọnị Anireevi nịnị ana za apoti oto ẹnị re chire. Ẹngụ awuru ọnọọ Ịkẹnanịya ana sị eyi pe ọpa ọjahẹ ẹnịnị ọnị mẹ rẹ kụ ẹnya nị. Idevidi ô re chire awuru oweyi ọsa ana aā hị́ ehwodi ana a sị ịta ọvụ ene zoza ẹtẹẹrẹ jị kú awuru anị ịrẹsụ.

1 Ịsamụwẹrị 22:18

Di ohinọyị kà yị́ Idowegi ana vị Anedomi ka ọ vara eyi, dị ọ̀ va ịsa hi ohirẹsụ irehi Ohomorihi ẹnẹẹ ẹngụ nị. Ịzẹyịza dị ọ va ịsa hi ohirẹsụ irehi Ohomorihi ẹnẹẹ ẹngụ, dị ọ wụ̀ wa nị. Ịhị ọnọọ aza ọnị ọ wụ vị ẹnị ẹbẹẹna tụra ẹẹhị. Avaba ẹnị ẹnẹẹ vi ene eē chire ịharamịra ana a sị ịta ozoza hi.

Ọdọvịdị 21:21

Dị ee zi ịjị ezi anẹẹ Anisiro aa vaa ngụ ohu na nyị ẹzẹ. Ịjị ẹ vavọọ re wa kẹnẹ, dị ẹ na za wa ụkata-ụkata. Ozwoorihi tụra ozwoorihi ọnị ọza ọnyọọnyị ọ vavọọ za dị ọ sị ọ na mẹ ose anị, dị ọ sị ọ nọ ịnị ẹtẹ Ịbẹnjamịnị.

Iwe Ọhụhị Imosiisi ana aa hị́ Ọyịvatụrọda 6:5

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Ọyịkụra 19:6

ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.”

Ọyịkụra 15:21

Di Imeriyamị aa jị ahẹ yị wa dị ọ ka, “Waa jị ahẹ gono Ẹnẹyịmavara agụvị ka ọ sị ọnịvị anị hú ẹtẹ. Ọnọọ ọ sị zụ̀ ka ộ nyị ụbanyị. Umaata ọnịrị onumaata vị ọnị ọ tụ ụvọ và hi ini òkū.”

2 Ịsamụwẹrị 6:15

Avọọ ọ maà nyị ẹzẹ dị ọnịrị avaba Anisirẹrị ana vọ sị apoti Ẹnẹyịmavara hịrẹ nọ ịda anị nị. Ẹ́ màa vẹ, di eyee nowu, di eyee hu ọpanyị nị.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

Ahẹ Ụgama 87:7

E vee hú ịsa, dị ẹ yaa jị ahẹ ka, “Avaba ogu ayị vị ana hụrị Ịzayọnị vẹ”.

Ezikẹẹrị 46:10

Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị.