2 Ịsamụwẹrị 5:7 - IWE ỌNỊNỊ

⁷ Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

2 Ịsamụwẹrị 5:7 Referans Kwoze

1 Ohinọyị 2:10

Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.

2 Ịsamụwẹrị 6:16

Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

2 Ịsamụwẹrị 6:12

Dị a va kà a yi Idevidi ohinọyị ka Ẹnẹyịmavara aa mẹ ka ò zee yi aneehi Ọbẹdị Edomi ọnịrị avaba ịsa ọnị ọ nyị agụvị apoti oto Ohomorihi ana yà ịda anị! Di Idevidi va na sị apoti oto Ohomorihi hụụ ịda Ọbẹdị Edomi, dị ọ sị ọ va tụ́ ịda anị ịnị Ẹkụra Idevidi nị. Ọ́ mẹ̀ sị ọ aa vẹ, dị aa jẹ nị.

Ẹtore 14:1

Dị mị kana eyi nị, re, Ozi Atẹmẹ ọnọọ ọ́ọ jẹẹ ịrẹsụ Ataba Ịzayọnị. Dị aza ẹnị akawụ-akawụ oze ẹtarẹwụ tụra ẹẹva (144,000) jẹẹ pee nị. Áa chẹrẹ ịrẹha Ozi Atẹmẹ ọnọọ ọnịrị ịrẹha Ada anị tụ́ ini ibe ẹnịnị.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Aniroomi 9:33

 vịdị vavọọ chẹrẹẹ tụ́ ini Iwe Ohomorihi ka, “Re! Mâ sị ịrẹta ọnya tịtẹ Ịzayọnị; ịrẹta ọnị ọzaā tụ́ ahụ ịnị anị ọ vị nị; ịrẹta anaā mẹ ka ọza ọ̀ hyẹdụ ọ rẹ vị nị. Ama ọza ana àa sị ayị tụraa, ụhị ọyị vaa nyị ọọ.”

Imika 4:2

Anẹkụra ọrụrụ-ọrụrụ vaa vẹ di ẹ ka à vẹ ẹnị ẹ̀ nọ ịda Ẹnẹyịmavara. Dị ẹ ka ẹnị aa nọ ịzọọ ịzị a dà irehi Ohomorihi Anisirẹrị tụ́. Ohomorihi vaa sịị zụ̀ ịsị a vọrọ ka yaā mẹ di ebira ayị ò zụ zee e eyi. Ẹnẹyịmavara vaa sị ịrẹyị anịị zụ̀ aza ẹkụra Ijerusarẹmị. Ịzayọnị ọ vaa yàa kà ịrẹyị anịị yị aza nị.

Ayịsaya 59:20

Ô wo oto ka ọnị aa dọ ẹkụra Ịzayọnị ha, dị evere Ijekọvụ nịnị ro ịnẹ hụụnị ebira odivi ẹnịnị.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ahẹ Ụgama 132:13

Ẹnẹyịmavara ọ sị nyị, ọ ka ịzọọ ọnị vaa sị mẹ eehi anị nị.

Ahẹ Ụgama 87:2

Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

Ahẹ Ụgama 51:18

Navọ kwogwo wa hụ agụvị ụbanyị ẹngụ awụ dị wa mẹ ka ò zee yi Anịzayọnị Navọ wa tụra ọvọ ana kara Ijerusarẹmị.

Ahẹ Ụgama 48:12

Maanị jesi kara ẹkụra dị wa za irehi ọgọdọ ịzị oserẹtẹ nịnị yà ịrịka.

Ahẹ Ụgama 9:11

Waā jị ahẹ gono Ẹnẹyịmavara nịnị. Ọnị ọ vị ohinọyị tụ́ nị. Waā kà a yị avaba aza nịnị ịsa ọnị ọ mẹ.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

2 Ịtọpa 24:16

Di e ne e ịzị eē ne ohinọyị nịnị tụ́ nị. Ệ zị oze avọọ sị sị ụbanyị yọ agụvị ụkọrọ ọnị ộ mẹ̀ yị Anisirẹrị nịnị ọnịrị Ohomorihi neberi irehi Ohomorihi.

2 Ịtọpa 5:2

Dị ọ hị́ avaba azọkụ ọnịrị ohi ịrẹsụ-ịrẹsụ, ne beri ohi abara-abara ene hi Isirẹrị vẹ Ijerusarẹmị ka ẹ na sị apoti oto Ẹnẹyịmavara hụrẹ Ịzayọnị ana vị ẹkụra Idevidi.

1 Ịtọpa 11:7

Ịzị áa tẹ aanị Idevidi ra nị; agụvị avọọ, dị á kụkụ aa hị́ ịzọọ ẹkụra Idevidi nị.

1 Ohinọyị 8:1

Isoromọnị mẹ̀ si irehi ọnọọ dà ta, dị ọ hị́ avaba ọzọkụ Anisirẹrị va gụ ịda anị Ijerusarẹmị nị. Ẹnịnị ẹnẹẹ ẹ vị ohi ịrẹsụ-ịrẹsụ ọnịrị ọdọvịdị abara-abara Anisirẹrị nị. Ộ vavọọ hị́ wa vẹ ka ẹ̀ va si apoti oto Ẹnẹyịmavara hụrẹ ẹkụra Idevidi ana aā hị́.

1 Ohinọyị 3:1

Ịnị ụmẹ ọnya Isoromọnị ọ na nyị ozi ohinọyị Ijipiti ana aā hí Ihwarawo, dị ọ kụkụ sị vi ọyẹ ohinọyị ọnọọ nị. Di Isoromọnị si ozi Ihwarawo ọnọọ vẹ ịnị ẹkụra Idevidi nị. Ộ sị ọ vẹ ka ọ̀ yà ịzọọ di irehi anị ọnịrị irehi Ẹnẹyịmavara ne chire ọvọ ana kara Ijerusarẹmị ọ̀ ta dà.

2 Ịsamụwẹrị 6:10

O yi si ka ọnị ọ̀ sị Apoti Ẹnẹyịmavara ne pè ẹngụ tụ́ ịda anị ịnị Ẹkụra Idevidi. Di Idevidi sị Apoti ọnọọ, dị ọ sị ọ há zi oze ini eehi ọnọrụ ana aā hị́ Ọbẹdị Edomi ana vi Anigati, dị ọ sị́ ọ na tụ́ ịzọọ nị.

2 Ịsamụwẹrị 5:9

Idevidi mẹ̀ raà sị ịrẹkụ rị aha oni isoja tẹ, di ọ kụkụ ra ịzọọ, dị ọ hị́ ịzọọ “Ẹkụra Idevidi.” Dị Idevidi jị ọvọ kara ẹkụra ọnọọ dị ọ dà irehi ịzị isojaā tẹ̀ hi ịnị anị nị.

2 Ịsamụwẹrị 5:8

Ịhị oni Idevidi maanị kụ́ ịrẹkụ na rị aanị, dị ọ ka ọza ana àa wụ Anijebusi, ọ̀ tụ́ wa ụvọ wọrọ ọba ịzị enyi eē zii sìi hi ẹtẹ. Ọ kà ẹẹmẹ ẹnẹẹ ana sị mẹẹ ogu eyi ọnịrị oswahụ avọọ vị ọnị ọnị Idevidi nyị ịhyẹrẹ anị. Agụvị avọọ a sịị̄ kà a ka, “Ogu eyi ọnịrị oswahụ ẹ yị vaa ngụ ini irehi Ẹnẹyịmavara.”

1 Ohinọyị 9:24

Ịjị ozi Ihwarawo ana vị ọnẹẹ sị hụrẹ ẹkụra Idevidi, dị ọ zị nọ ini irehi oni Idevidi dà yọ, di Idevidi va na dà ẹkụra Imiro nị.

Ijeremaya 21:13

Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.

Inehemaya 3:15

Isarumi ozi Ikori-Ihoze ana vị ohinọyị Imizipa ô tenyi oze ọbanyị ana a hị́ adagu enyi. Ô gu ọ utu, dị ọ kụ ukere chire e, dị ọ kụ ẹza ọnịrị ọchị ojoze hi wa nị. Dị ọ tụra ọvọ ne tu ịzị aa hị́ imisi Isera ana gụrị ụbazị ohinọyị. Dị ọ tụra a na ngụ ịzị a jị ode hi chi na ngụ ẹkụra Idevidi nị.

Ahẹ Ụgama 48:3

Ohomorihi ọ raà sị zụ̀ ka ọnị yà ịnị ẹkụra ọnọọ agụvị avọọ ọnị ọ yị vaa zẹẹ ka à nyị ịsị ẹ kanyị aza ene hi ịzọọ.