2 Ịsamụwẹrị 5:23 - IWE ỌNỊNỊ

²³ Di Idevidi rẹ họ̀ Ẹnẹyịmavara kà ọnị ọ́ọ́ kụ́ ịrẹkụ ne tù wa nị. Dị Ẹnẹyịmavara kà asị ọ vavọọ ne tù wa ọvịdị-ọvịdị ama ọ̀ kụ́ aza anị di è jesi kara wa, dị ahịka oze ọvịdị ọchị ịbarịsamị ẹ zị nyima ịrẹkụ nị.

2 Ịsamụwẹrị 5:23 Referans Kwoze

1 Ịtọpa 14:14

Idevidi ộ rẹ varẹma na họ̀ Ohomorihi ka sị ọnị ọ̀ọ mẹ. Dị Ohomorihi kà a yị ọ ka, a sị ọ yà ịzọọ kụ́ ịrẹkụ ne tu wa. Ama ò jesi kara ẹtẹ na ngụ ọ̀ sị gụrị ọchị ana aā hị́ Ịbarịsamị. Òo tu ịzọọ, dị ọ̀ kwẹẹtẹ tu wa nị.

Ijosuwa 8:7

Ẹnịnị vaa kụ́ hụrẹ ịzị ẹẹ tẹ̀ tụ́, dị ẹ dọ ẹkụra ọnọọ agụvị ka Ẹnẹyịmavara vaa sị yị wa.

Ijosuwa 8:2

Dị Ẹnẹyịmavara kà ẹ̀ wụ̀ avaba aza ene hi Eyayị ọnịrị ohinọyị ẹnịnị anka ẹ mẹ vịdị mẹ̀ Ijeriko avọọ. Ama ẹ̀ kụ́ ogu ọnịrị ịsụpa ẹnịnị mẹ̀ ẹ́ẹnịnị. Dị ọ kà isoja Anisirẹrị ẹ̀ na tẹ̀ zi wa ịrẹma ẹkụra nị.

1 Ịsamụwẹrị 22:15

Taarụ, wâ yẹ ka ẹ yị vị ịpaapa ọnị maa vaa họ̀ Ohomorihi use ịrẹyị agụvị Idevidi yị. Taarụ, aarịhịnị asị wụ kà a ka vị mị kwẹẹtẹ tù wu nị, à vị ka vị aneehi ada amị kwẹẹtẹ tù wu nị. Ẹ yị nyị ịsị ị yẹ vụrụ-vụrụ ịnị ịrẹyị ẹnẹnị.”

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

2 Ịsamụwẹrị 2:1

 nyị ẹkụhị ọnya, di Idevidi na họ̀ Ẹnẹyịmavara dị ọ ka áá vọrọ ka ọnị ọ̀ nọ ini ẹtẹ Ijuda? Dị Ẹnẹyịmavara kà ọ̀ na nị. Di Idevidi rẹ ka ịzị ọnị ọ̀ọ nọ ịzọọ? Dị Ẹnẹyịmavara ọ̀ nọ Ihebirọnị nị.