2 Ịsamụwẹrị 5:13 - IWE ỌNỊNỊ

¹³ Ộ dà kụ di Idevidi hụrẹ Ihebirọnị nị. Ọ́ mẹ̀ sị hụụ ịzọọ, dị ọ rẹ varẹma nyị onyeehi ọnịrị ọnẹẹ hu avọọ ọ́ mẹ̀ yà Ijerusarẹmị nị. Anẹẹ ẹnẹẹ ẹ vana ma ezi anọrụ ọnịrị anẹẹ tụ́ ini ezi anịị yọ.

2 Ịsamụwẹrị 5:13 Referans Kwoze

1 Ịtọpa 3:9

Idevidi ộ ma ezi ọnọrụ ọsa ọnị onyeehi anị nịnị maà yọ vaka ezi ẹnẹnị. Ộ rẹ ma ozi ọnẹẹ ọnya ana aā hị́ Ịtama.

Iwe Ọhụhị Imosiisi ana aa hị́ Ọyịvatụrọda 17:17

Ohinọyị ẹ yị vaa nyị ọnẹẹ ọrụrụ agụvị asị ẹ mẹ̀ ẹ ka ọ va hụrẹ ịrẹma Ẹnẹyịmavara. Asị ọ rẹ kụ isiriva ọnịrị igooru ahaahara mẹ aanị.

2 Ịtọpa 13:21

Abija vị ana vana nyị ụkata huu avọọ. Ộ nyị ọnẹẹ ẹwụrẹna, dị ọ́ ma ezi ọnọrụ ohurẹẹva ọnịrị ezi anẹẹ ẹwụrịhịnọnyị.

2 Ịsamụwẹrị 5:12

Idevidi ọ sị yẹ ịjọnọọ ka Ẹnẹ ẹ yị mā vara ọ raà sị ọnị jẹẹ anka ohinọyị Anisirẹrị. Ộ yẹ ka Ẹnẹyịmavara ọ raà hụ agụvị Anisirẹrị mẹ ka ohinọyị ọnị ọnị aa mẹ ọ̀ nyị ụbanyị.

1 Ohinọyị 11:3

Ẹnị ezi ohinọyị ana vị ese Isoromọnị ịnị anẹẹ ẹnẹẹ vị ẹnị akatarẹchẹhị (700), di onyeehi anị ẹnị vi ịrẹkẹẹchẹhị (300) nị. Di ese Isoromọnị ẹnẹẹ za a di e jesi ọ ayị nị.

1 Ịsamụwẹrị 25:43

Idevidi ọ rẹ nyị Ahinowamị Anijezirẹrị, dị ẹnịrị Abigẹrị kụkụ vi ose Idevidi nị.

2 Ịsamụwẹrị 12:2

Opisa ọnọnị ộ nyị imaaru ọnị atẹmẹ ẹtẹẹtẹrẹ

1 Ịtọpa 3:1

Ezi ẹnẹnị a ma yị Idevidi ẹtẹ Ihebirọnị nị: ozi ịpaapa anị ọ vị Amịnọnị ọnị ose anị Ahinowamị maà yọ nị. Anijezirẹrị ose anị ọnọnị vị nị. Ozi ụpọhụva anị ọ vị Ịdanịyẹrị, ọnị ọnyị anị Abigẹrị vị Anikamẹrị nị.