2 Ịsamụwẹrị 3:39 - IWE ỌNỊNỊ

³⁹ Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”

2 Ịsamụwẹrị 3:39 Referans Kwoze

Ahẹ Ụgama 101:8

Eyinị-eyinị mị vaa sị wụ̀ aza edivi ene hi ịnị ẹtẹ ọnọnịị vaa ha nị. Avaba aza anaā mẹ̀ ebira odivi vị ọnị mị vaa wụ̀ hụụnị ẹtẹ Ẹnẹyịmavara.

Ahẹ Ụgama 28:4

Navọ we si aza edivi ẹnẹẹ ụta ebira odivi ẹnẹ ẹ yaa mẹ Navọ ọgụ ịsa odivi ẹnẹ ẹ yaa mẹ ò chí hi wa ịrẹsụ.

2 Itimoti 4:14

Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị.

Aniroomi 13:4

Ọza ana nyị ọda vị ozi ahụ Ohomorihi, ụkọrọ ozoza aa mẹẹ yị wụ nịnị nị. Wàa mẹ̀ ịsa odivi, wee hí angwa anị, agụvị ka ụkata ọnọọ nyị, ọyị vị kẹnẹ-kẹnẹ, ozi ahụ Ohomorihi ọ vị nị. Ọza ana àa mẹ̀ ịsa odivi, vị aa sị ọyịkụ Ohomorihi zụ̀ ọọ nị.

Ụhịrẹyị 25:5

Aa kụ anajuwe odivi kwooze yị ohinọyị, ọ vaa sị ịzẹyịzaa mẹ ịjọva.

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.

Ụhịrẹyị 20:8

Ohinọyị ana ya ịrẹsụ ode aa mẹ̀ ọkarẹyị, ọ yẹ ịsa ẹnẹ ẹ yị vị ịzẹyịza.

Ahẹ Ụgama 75:10

Ohomorihi vaa gara ụkata aza edivii ha, dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.

Ahẹ Ụgama 7:16

Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ; ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.

1 Ịtọpa 22:5

Idevidi ô rò o, dị ọ kà, “Irehi Ohomorihi ọnị ozi emi Isoromọnị vaa dà vaa banyị ẹtẹẹtẹrẹ, dị ọ ngụrẹyị, dị ọ nyị ụbanyị eyi avaba anẹhẹ. Ama Isoromọnị ọ sị vị ozweyi, e yị nyị ịsa ọ yẹ. Agụvị avọọ, aa nyị ka me tenyi avaba ẹnya ana a vaa sị dà tịtẹ yọ.” Dị Idevidi nyayịnẹ kụ ẹnya irehi hi ẹtẹ tịtẹ tẹ̀ ẹ di o ve su nị.

2 Ịsamụwẹrị 19:13

Di ohinọyị ka ẹ̀ rẹ kà a yị Amasa ka ọ̀ yẹ o, ka ọnịrị ọ vị ọnya-ọnya. Ọ kà Amasa ọ vaa dọ Ijowabi ịrẹsụ dị ọ kụkụ vị ọga isoja nị. Ọ kà ọnị ọ̀ yị vavọọ mẹ, asị Ohomorihi zẹẹ ka aanị ò zoza.

Ọyịkụra 21:12

“Ọza ọ̀ọ nya ọza ịsa, dị ọ wụ̀ ọ nị, vị a rẹ vaa wụ̀ ọza ọnọọ nị.

2 Ịsamụwẹrị 3:38

Di ohinọyị va hị́ aza ene hi ịda anị dị ọ ka, “Aanị ka wẹ yị yẹ nịnị ka ọdọvịdị ọbanyị ọnya o sú ịnị Anisirẹrị nịnị ajịnị aanị nị?

2 Ịsamụwẹrị 16:10

Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

1 Ohinọyị 2:32

Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda.

1 Ịtọpa 29:1

Ohinọyị Idevidi ộ kà a yị avaba aza ana gụ ka: Ozi anị Isoromọnị Óhomorihi va nyị nị, ama ozweyi ọ vị nị; ẹ yị nyị ịsa ọ yẹ. Ụkọrọ ana nyị ka à mẹ aanị ọ́ọ dẹngụ ẹtẹẹtẹrẹ, agụvị ka ẹ yị vị irehi ohinọyị ọzarẹyịrẹsụ irehi ọnọnị vị, Irehi Ẹnẹyịmavara Ohomorihi ọ vị nị.

2 Ịtọpa 13:7

Avọọ ọ mẹ rẹ kụ́ aza kẹnẹ-kẹnẹ ku ịrẹma na kụ́ ọ ka Irehobowami ozi Isoromọnị ụhwẹ agụvị ka o vi ozweyi, oni eyi anị ộ yị hweyi.

Ijeremaya 38:5

Ohinọyị Ịzẹdẹkaya ô tụ́ ohi ka, ô zoza, ịsị ee ze wa eyi kẹnẹ ẹ̀ na mẹ̀ ọnị. Ọnị ẹ̀ yị za wa jẹ.

Ịdanịyẹrị 6:16

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Ọdọvịdị 9:57

Avọọ gẹdẹ-gẹdẹ Ohomorihi mẹmẹ rẹ sị Anịsẹkẹmị nịnị atọ avaba ebira odivi ẹnị ẹ mẹ, dị ozirenu Ijotami ozi Ijerubaari za wa nị.

1 Ohinọyị 2:9

Ama wẹ yị vaa zẹẹ ka ịsị ọ mẹ avọọ, ọ̀ sị rị kẹnẹ. Mâ yẹ ka wâ yẹ ịrẹyị para avọọ hu, wâ yẹ ịsị a vọrọ ka wa mẹ̀ ẹ. Re ka waa wụ ọ.”

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.