2 Ịsamụwẹrị 3:35 - IWE ỌNỊNỊ

³⁵ Aza Idevidi ệ vẹ dị ẹ va dá ịpẹ yọ ka ọ̀ navọ dị ọ̀ rị ịsa nị. Di Idevidi ka àa vị ka ọnị ọ raà sị ịsa kanyị irenu, dị ọyị ọ̀ ta, asị Ohomorihi zẹẹ ka ò zoza yị ọnị.

2 Ịsamụwẹrị 3:35 Referans Kwoze

2 Ịsamụwẹrị 12:17

Dị azọkụ ini ezi ahụ anị kwẹẹtẹ ka ẹnị ẹ̀ na sị ọ kwẹẹtẹ hụụnị eteesu nị, ama ô yi. Ọ yị zẹẹ ka ọnịrị wa ẹ̀ rị ịsa.

2 Ịsamụwẹrị 1:12

Dị ẹ jị òrèrè Ịsọọrụ ọnịrị Ijonatani ozi anị pooro nị. Avọọ ẹ mẹ̀ re jị òrèrè agụvị isoja Ẹnẹyịmavara ọnịrị agụvị avaba Anisirẹrị ene sú éyi ịrẹkụ nị. Ẹnịnị ẹ yị rị ịsa hụrẹ ẹnẹnẹ pooro na ngụ oruva.

Ijeremaya 16:7

Ẹ́ yị vaa nyị ọza ana vaa mẹ̀ ịsa ana yị ọsa avịka a ká enyi na yị aza ọ̀yị sị wa ayị nẹtẹ ka aza ẹngụ ẹnịnị ô sú. Ọza ana ada anị avị ọnyị anị ọọ hyakụ sú, e yi vee re ọza pe e zị ẹngụ.

Iruutu 1:17

Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.”

Ezikẹẹrị 24:17

Ọ kà ọnị ọọ hà iduma kẹnẹ, ama asị ọnị zẹẹ ka ọza ọ̀ wụ ọ. Asị ọnị hụ vị avọọ hụ ịrẹsụ anị ha, dị asị ọnị sị ahụ osusu ngwọọ zịịzị. Ọ kà asị ọnị va ịsa ku eyi, dị asị ọnị rị ịsa ana aā rị ọza aa zị ẹngụ oku.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

Ezikẹẹrị 24:22

Ezikẹẹrị ka ịsị ọnị mẹ aanị, ẹnịnị ẹnị rẹ vaa mẹ nị. Wẹ́ yị vaa và ịtaa ku eyi nịnị, à vị ka wa rị ịsa anaā rị ọza aa zị ẹngụ oku nịnị.

2 Ịsamụwẹrị 3:9

Di Abịna rẹ ka, “Ẹnẹyịmavara ọ raà hị́ eku ka Idevidi ọ vaa vị ohinọyị nị. Maa hụrẹ ụvọ ohinọyị yị Idevidi. Maa sị ọ rị ohinọyị dị ọ nyị ahụ jẹẹ ịrẹsụ Isirẹrị ọnịrị Ijuda. Ọnị ọ vaa rị ohinọyị huu hụrẹ Ịdaanị na ngụ Ịbẹẹsẹba nị. Mẹ̀ yị rẹ vavọọ vaa mẹ Idevidi, asị Ohomorihi zẹẹ ka ò zoza yi emi Abịna.”

1 Ịsamụwẹrị 3:17

Di Eri họ̀ ọ dị ọ ka si Ohomorihi kà yọ. Ọ kà ọ̀ kà a yị ọnị asị a nyị ọnị ọ dà tẹ. Ọ kà àa nyị ọnị ọ dà tẹ yị ọnị ịnị avaba ịrẹyị oni Ohomorihi kà yọ, Ohomorihi ọ yị vaa zẹẹ ka ò zoza yọ.

2 Ịsamụwẹrị 3:34

Ọza ọ yị sụ́ ụ ahụ oo, ọza ọ yị sụ́ ụ ụvọ. Vi u sú kẹnẹ nị oo, anka ọza ana aza edivi wụ avọọ.” Dị avaba aza rẹ jị òrèrè anị nị.

2 Ịsamụwẹrị 3:36

Aza mẹ̀ vavọọ wụ́, ô hine wa. Avaba ịsa ohinọyị mẹ vi ene hine wa.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

1 Ịtọpa 10:12

dị ẹnị ana ayị anị vị hu keekere ne sị oku Ịsọọrụ ọnịrị oku ezi anị, dị ẹ kụ wa vẹ Ịjabẹsị nị. Ẹnịnị ê ne wa hi iruvo ọchị ana aā hị́ ooki, dị ẹ ba awẹ ẹkụhị ịhịmba yị wa nị.