2 Ịsamụwẹrị 24:15 - IWE ỌNỊNỊ

¹⁵ Ịzẹyịza dị Ẹnẹ ẹ̀ yị mā sị ụkụ za Anisirẹrị hụrị ẹnẹnẹ na ngụ ụmẹ ọnị ọ nyị nị. Avaba aza ene sú hụrị Ịdaanị ẹ́bẹẹba huu na ngụ Ịbẹẹsẹba eyi ụvẹtẹ vị ẹnị akawụ-akawụ oze ẹtarẹwụ.

2 Ịsamụwẹrị 24:15 Referans Kwoze

1 Ịtọpa 21:14

Ịzẹyịza, dị Ẹnẹyịmavara tụ Anisirẹrị nịnị ụkụ akwoosu, dị aza ẹnị akawụ-akawụ oze ohurẹẹwụ tụra ẹẹhị nị (70,000) su nị.

1 Ịtọpa 27:24

Ọnẹẹ ana aā hị́ Izeruya ọ vị ọnyị Ijowabi nị. Ijowabi ô nyima aa zá aza ịrịka, ama ẹ́ yị va mẹ̀ ẹ za ịrẹsụ. Ohomorihi ộ sị ụya rị Anisirẹrị nịnị agụvị ka aa za wa ịrịka. Avọọ ọza ẹ yị va chẹrẹ ọpa ẹnẹ ẹ vị tụ ini iwe ịtọpa ohinọyị Idevidi.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.

Imatiwu 24:7

Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa. Ụngwẹ vaa kụ̀, ẹtẹ vee henyi jigi-jigi aha ọrụrụ-ọrụrụ.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

1 Ịtọpa 27:4

Ụhwẹ ọhụva, Idodayi ana vị Anahohi o si eyi pe ogu ọhụva nị.

1 Ịsamụwẹrị 6:19

Anịbẹtị Isemesi mẹ̀ jịnẹ vẹ di eyee re Apoti Ẹnẹyịmavara ọnọọ goro-goro, dị Ẹnẹyịmavara wụ ẹnị ẹtarẹwụ ịnị aza ẹnẹẹ nị. Ịjị Ẹnẹyịmavara vavọọ tana ụvọ za Anịbẹtị Isemesi, di eyee sụ ùnè ẹtẹẹtẹrẹ nị.

Ịrịka 25:9

Ama avaba aza ọnị ụkụ odivi ọnọọ wụ̀ va ha vị aza akahị oze ohurẹẹna.

2 Ịsamụwẹrị 24:2

Ịzẹyịza di Idevidi ohinọyị na hí Ijowabi ana vị ọga isoja dị ọ kà a yọ nị. Ijowabi vị ana yà pe Idevidi. Dị Idevidi kà a yị Ijowabi dị ọ ka, “Aarịhịnị ngụ avaba ovwoovu Anisirẹrị hụrị ịnị ẹtẹ Ịdaanị ẹbẹẹba na ngụ ịnị ẹtẹ Ịbẹẹsẹba eyi ụvẹtẹ, dị wa za aza ẹnẹẹ ịrịka dị ma yẹ ẹ yà.”

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.