2 Ịsamụwẹrị 24:13 - IWE ỌNỊNỊ

¹³ di Igadi ne tù ọ dị ọ kà a yọ ka, “Wéé sì ka ụngwẹ ịrayị ịhịmba ọ̀ kụ̀ ịnị ẹtẹ awụ, à vị ka dị ọnịvị awụ ọ̀ dụ wụ di wee zwee pooro ịnị ụhwẹ ịhịmba, à yị vị avọọ dị ụkụ odivi ọ̀ wụ̀ aza ịnị ẹtẹ awụ mẹ ẹkụhị ẹẹta? Zama a dị wa nyị ịnị ịrẹyị ẹẹta ẹnẹnị dị ma yẹ ohi ọnị maa sị naa yị ọza ana tụ́ mị.”

2 Ịsamụwẹrị 24:13 Referans Kwoze

1 Ịtọpa 21:12

Óó sị ka ụngwẹ ịrayị ẹẹta ọ̀ kụ̀ ẹnị? À vị ka ọnịvị anị nịnị ẹ̀ kụ ịrẹkụ tu ọ dị ẹ̀ dụ ọ mẹ ụhwẹ ẹẹta, dị ẹ vavọọ dụ ọ? Ẹ̀ẹ vị avọọ, dị Ẹnẹyịmavara ọ̀ kụ ịrẹkụ tu ọ ẹkụhị ẹẹta. Ọ vaa tụ anggẹẹrị anịị ngụ avaba ẹtẹ Isirẹrị dị ọ kụ ụkụ tu wa. Ọ kà Idevidi ọ̀ kà a ohi ịsị ọnị ọ̀ọ sị na yị Ẹnẹyịmavara ana tụ ọnị tụ.

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Iruuku 4:25

Dị ma kà ịzẹyịza wụ nịnị ka osoku ọrụrụ-ọrụrụ e hi ịnị ẹtẹ Isirẹrị ịnị ụmẹ Erija nị. Ụmẹ ọnọọ, ộ mẹ̀ ịrayị ẹẹta tụra ụhwẹ ịhịnọnyị, orihi ọ yị zụ̀. Dị ụngwẹ aa kụ̀ ẹtẹẹtẹrẹ ịnị avaba ẹtẹ ọnọọ nị.

Ezikẹẹrị 14:13

Ozi-ọza, ẹkụra ọyịvụrụ ọ̀ọ mẹ̀ ebira odivi hi ọnị, dị ẹnịnị ẹ̀ yị sị ayị tụra ọnị nị, ọnị vee gù wa oze ịsọyịrị. Ọnị vaa mẹ ka ụngwẹ ọ̀ kụ̀ wa, dị ọnị wụ̀ aza ọnịrị ịsụpa nịnị va ha.

Iwe Ọhụhị Imosiisi ana aa hị́ Ọyịvatụrọda 28:52

Ẹnịnị vaa kụ́ ịrẹkụụ ngụ avaba ẹkụra awụ nịnị, di e wú avaba ọvọ ana a jị kara awụ nịnị. Ọvọ ẹnẹẹ ụ sị ayị tụra ka ẹ yị vaa zẹẹ ka à nyị ịsị ẹ mẹ̀ wụ nịnị nị. A vaa kụ́ ịrẹkụụ ngụ avaba ẹkụra ene hi ịnị ẹtẹ ọnị Ẹnẹyịmavara aa sị wụ nịnị aanị.

Iwe Ọhụhị Imosiisi ana aa hị́ Ọyịvatụrọda 28:35

Ẹnẹyịmavara vaa mẹ ka ahụ awụ nịnị ẹ̀ jị ikenebe anaā zị ọza ẹtẹẹtẹrẹ, dị ọza ẹ yị zụ mẹ̀ ẹ. Ịtahụ vaa tụraa hi wu nịnị ẹngụ hụụnị ịrẹsụ va ngụ ịnị ahụ.

Iwe Ọhụhị Imosiisi ana aa hị́ Ọyịvatụrọda 28:27

Ẹnẹyịmavara vaa mẹ ka ịtahụ ọ̀ tụra wụ nịnị anka ọ mẹ̀ mẹ Anijipiti nịnị ịrayị ọnọọ. Ọ vaa mẹ ka ẹngụ awụ nịnị ọ̀ vị ịtahụ-ịtahụ. Ịtahụ vaa chakaa ku wu ẹngụ nịnị, dị ẹngụ aa hụ́ wụ nịnị. Ịtahụ awụ nịnị ẹ yị vaa nyị ahọnọ.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:22

Ẹnẹyịmavara vaa sị ụyaa rị wụ nịnị, dị ọ mẹ ka ụkụ ọ̀ za wụ nịnị. Ẹngụ awụ nịnị vee wù, dị ọvanggoro za wụ nịnị. Ẹnẹyịmavara vaa mẹ ka ọyị ọ̀ jị, dị ahị ịrịịra aa tụ, dị o vu avaba ịsa ịnị aarẹ awụ nịnị ẹtẹ. Avọọ ẹngụkata odivi ọnọnị mẹ vaa yàrị ẹwụ nịnị pooro, di u sú va ha nịnị nị.

Ireevi 26:20

Avaba ụkọrọ ẹnẹ ẹyaa sị ụmẹzụ-ụmẹzụụ mẹ vị ana vaa vị osusu, agụvị ka ẹtẹ ẹnịnị ẹ́ yị vaa mẹ̀ ịsa ọchị ẹnịnị ẹ́ yị rẹ vaa tụ́ ẹtụtụ.

Ahẹ Ụgama 91:6

We yi re ve hí angwa ụkụ anaā ngụụ tụ̀ ọza ịrahụ ọnịrị ụkụ edivi anaā wụ̀ azaa ha ụmẹ ọọdụ.

2 Ịsamụwẹrị 24:12

ọ̀ kwẹẹtẹ dị ọ na kà ịrẹyị ọnya yị Idevidi nị. Ọ kà ọ̀ kà a yọ ka ọnị Ẹnẹyịmavara ộ sị ịrẹyị ẹẹta tụ́ ọvịdị ọnị Idevidi, ọ ka ọ̀ nyị ọnya ịnị anị, dị ọnị ọ̀ mẹ̀ ẹ yọ. Ẹnẹnẹ Idevidi mẹ̀ yị kwẹẹtẹ kẹnẹ,

Ọyịkụra 7:25

Ọ sị mẹ ẹkụhị ịhịmba ọnị Ẹnẹyịmavara maanị sị ịsa nya okuha Ịnayịrị.

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”

2 Ohinọyị 8:1

Erisa ộ vịdị kà a yị ọnẹẹ ọnị ozi anị su, dị ọ́ ha a varẹma yọ ka, ọnịrị avaba aza anị ẹ̀ kwẹẹtẹ ẹ̀ na ra ịzị ẹ̀ẹ zụ na ra; agụvị ka Ẹnẹyịmavara ọ́ raà kà a ka ụngwẹ vaa kụ̀ ẹkụra ọnọnị. Ọ kà ịrayị ịhịmba ụngwẹ ọnọọ vaa kụ̀ nị.