2 Ịsamụwẹrị 24:12 - IWE ỌNỊNỊ

¹² ọ̀ kwẹẹtẹ dị ọ na kà ịrẹyị ọnya yị Idevidi nị. Ọ kà ọ̀ kà a yọ ka ọnị Ẹnẹyịmavara ộ sị ịrẹyị ẹẹta tụ́ ọvịdị ọnị Idevidi, ọ ka ọ̀ nyị ọnya ịnị anị, dị ọnị ọ̀ mẹ̀ ẹ yọ. Ẹnẹnẹ Idevidi mẹ̀ yị kwẹẹtẹ kẹnẹ,

2 Ịsamụwẹrị 24:12 Referans Kwoze

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

Ụhịrẹyị 3:12

Aza ọnị Ẹnẹyịmavara sì ịrẹyị anị oō tụ ohuvọ anka ada ọza mẹẹ̄ tụ ozi anị ohuvọ avọọ.

2 Ịsamụwẹrị 12:14

Ama agụvị ka wa raà sị eyi wụ Ẹnẹyịmavara ini ịrẹyị ọnị ụ mẹ aanị, ozi ọnọrụ ọnọọ ọnị ọ vaa maa wụ avọọ, wèe sì, wèe yi si, vi ee sú nị.”

Ireevi 26:43

Ama ọnyị ịpaapa, aa nyị ka à hụ́ aza hụụnị ẹtẹ ọnọọ da, agụvị ọ̀ tụ́ ụhwọ́ ẹtẹẹtẹrẹ; ka ẹnịnị ê yi ka ẹnị ẹ́ yị saasa ọda anị ọnịrị ịsị ọnị ọnị kà yị wa, aa nyị ka ẹnịnị ẹ̀ rị avaba ụya anị.

Ireevi 26:41

ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

2 Ịsamụwẹrị 24:11

Ẹkụhị ọnya dị Ẹnẹyịmavara kà a yị ọnịsẹ ana aā hị́ Igadi eneē re ẹtẹẹ yị Idevidi ka,

2 Ịsamụwẹrị 24:13

di Igadi ne tù ọ dị ọ kà a yọ ka, “Wéé sì ka ụngwẹ ịrayị ịhịmba ọ̀ kụ̀ ịnị ẹtẹ awụ, à vị ka dị ọnịvị awụ ọ̀ dụ wụ di wee zwee pooro ịnị ụhwẹ ịhịmba, à yị vị avọọ dị ụkụ odivi ọ̀ wụ̀ aza ịnị ẹtẹ awụ mẹ ẹkụhị ẹẹta? Zama a dị wa nyị ịnị ịrẹyị ẹẹta ẹnẹnị dị ma yẹ ohi ọnị maa sị naa yị ọza ana tụ́ mị.”

1 Ịtọpa 27:24

Ọnẹẹ ana aā hị́ Izeruya ọ vị ọnyị Ijowabi nị. Ijowabi ô nyima aa zá aza ịrịka, ama ẹ́ yị va mẹ̀ ẹ za ịrẹsụ. Ohomorihi ộ sị ụya rị Anisirẹrị nịnị agụvị ka aa za wa ịrịka. Avọọ ọza ẹ yị va chẹrẹ ọpa ẹnẹ ẹ vị tụ ini iwe ịtọpa ohinọyị Idevidi.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.