2 Ịsamụwẹrị 23:4 - IWE ỌNỊNỊ

⁴ Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

2 Ịsamụwẹrị 23:4 Referans Kwoze

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

Ahẹ Ụgama 89:36

Ụ ka ovwoovu anị o yi vee vú pàá. Ọnị ọ vaa vị ohinọyị pooro zịna-zịna nị.

Ịjọọnụ 1:7

Ịjọọnụ ộ vẹ ka ọnị ọ̀ dọ ivenu yị aza ini oze Etohweyi ọnọọ. Ọ va kà a, agụvị dị avaba aza ẹ̀ zụ zị oze ịnị ụvọ anị dọ ọ wụ́.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ayịsaya 60:1

Kwẹẹtẹ Ijerusarẹmị, dị ụ waa zẹtẹ anka ọyị. Ụbanyị Ẹnẹyịmavara aa zẹtẹ ịnị ẹhẹ awụ.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Ayịsaya 18:4

Ẹnẹyịmavara ộ kà a mị ka aanị ọnị màa jịị jẹẹ hẹẹ ịzị ọnị yà, dị ọnị ee re anka eguhi mẹ̀ tangwa chire ịrahụ ịnị ụmẹ ọyị ama aa ha àa mẹ̀ ịsa ịnị aarẹ avọọ nị. Ọ kà dị ọnị vavọọ ee yii re ẹtẹ hẹẹ anka ọyị mẹ tangwaa ha ụmẹ ọọdụ avọọ.