2 Ịsamụwẹrị 23:18 - IWE ỌNỊNỊ

¹⁸ Â nyị ọza ịnya aanị ana aā hị́ Abisayi. Ọyịnyara Ijowabi ozi Izeruya ọ vị nị, dị ahịka ọnị ọ vị ọga ẹnị isoja ohurẹẹwụ. Ộ sị ọha anị pè aza ẹnị ịrẹkẹẹchẹhị kụ̀ ịrẹkụ, dị ọ wụ̀ wa nị. Dị ọ sị ọnọọ mẹ ịrẹha yị ẹngụ anị nị.

2 Ịsamụwẹrị 23:18 Referans Kwoze

2 Ịsamụwẹrị 10:14

Anamọnị mè re ka Anarami e zi zwe, dị ẹnị re si zwe hụụ ịda Abisayi na ngụ ịnị ẹkụra nị. Di Ijowabi varẹma hụrẹ ịrẹkụ Anamọnị dị o si hu aa vẹ Ijerusarẹmị nị.

2 Ịsamụwẹrị 10:10

Dị ọ ka Abisayi ọyịnyara anị ò sị eyi pè isoja ana vọ dị ọ̀ kụ́ wa dị ẹnịrị isoja Anamọnị ẹ̀ na gẹ ịrẹkụ nị.

2 Ịsamụwẹrị 18:2

Idevidi ộ gà isoja anị hí oze ọnya aa na, dị Abisayi ọyịnyara Ijowabi ọnị rẹ kụ́ oze ọnya di Itayi Anigiti ọnị rẹ kụ́ oze ọnya ana vọ nị. Di Idevidi va ka ọnị ụvọta aa saasa waa nọ ịrẹkụ nị.

1 Ịtọpa 2:16

Ẹnịnị ệ nyị ẹyịnyara anẹẹ ana aā hị́ Izeruya ọnịrị Abigẹrị. Izeruya ộ ma ezi anọrụ ẹẹta ana aā hị́ Abisayi, Ijowabi ọnịrị Asahẹrị.

2 Ịsamụwẹrị 20:10

Ama Amasa o yi si eyi pè ẹtẹ di ò ve re ụhwọ ana yarị Ijowabi. Di Ijowabi ne ụhwọ ngụ ọ ịrẹka, dị ọ ka a iruvu và hi ẹtẹ nị. Avọọ Ijowabi mẹ̀ yị jẹẹ pè e di o sú nị. Di Ijowabi ọnịrị ọyịnyara anị kụ́ hi Ịsẹba ozi Ibikiri, dị ẹ yaa dụ ọ nị.

2 Ịsamụwẹrị 3:30

Ijowabi ọnịrị Abisayi ọyịnyara anị vị ana wụ Abịna agụvị ka Abịna ộ wụ Asahẹrị ọyịnyara ẹnịnị ịnị ịrẹkụ ẹnị ẹ kụ̀ Igibiyọnị.

2 Ịsamụwẹrị 2:18

Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

2 Ịsamụwẹrị 23:19

Ịrẹha Abisayi ọ ngụ ịrẹyị hu ịnị ẹnị isoja ohurẹẹwụ ẹnẹẹ nị. Ọnị ọ vana vị ọga isoja ẹnẹẹ nị, ama a nyị nyị ẹnị ẹẹta ọnị udi anị ò yi re vee tù.

Ịrẹyị Ọzwọzịsa 4:12

Ọza ẹ yị zụ nyị huna aza ẹnị ẹẹva anka a mẹ yị sẹ zụ nyị huna ọnịịnyara Arasị ẹẹta aka ọọ vị́ ịsa nị.