2 Ịsamụwẹrị 23:15 - IWE ỌNỊNỊ

¹⁵ Di Idevidi aa vá ụva dị ọ ka ẹnị aa naa ká enyi hụụnị ịkangga ana yà ịzị a zị naa ngụ ẹkụra Ịbẹtịrẹhẹmị vaa yị ọnị.

2 Ịsamụwẹrị 23:15 Referans Kwoze

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 7:37

Ẹkụhị ọdịrẹma eche ọnọọ, o hu keekere nị. Ịhị ọnọọ, dị Ijeesu kwẹẹtẹ jẹẹ, di o nowu dị ọ ka, “Ọza ene enyi àaa kụ̀, ọ̀ọ ká mịị vẹ, di ò ve hú enyi obooro!

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 41:17

Ụmẹ ọnị onosiye ọnịrị ọnụzọngwa ee si enyi, di e yi re, dị ọrọkọ ẹnịnị sị wara, Ọnị Ẹnẹyịmavara vee tụ́ wa ohi. Ohomorihi Anisirẹrị ẹ yị vaa hụrẹ wa ụvọ.

Ahẹ Ụgama 119:81

Ẹnẹyịmavara, o si kù ọnị mị hụrẹ ee zi wu eyi ka wa va dọ mị tụ́ mê zi wu pooro, mee vee sú.

Ahẹ Ụgama 63:1

Ohomorihi, ẹwa vị Ohomorihi amị nọ Ẹwụ m maanị ee sì aanị nị Mị ka tụ̀ ịnẹ tụ̀ ịnẹ mị nyayịnẹ ee sì wu nị Wâ yẹ ka ọza ọ̀ọ yà ịzị ẹtẹ sị wụ dị enyi aa kụ̀ ọ nị, ka vị ọ nyayịnẹẹ sì enyi nị Avọọ gẹdẹ-gẹdẹ ọ mẹ̀ kata mị ẹngụ ka me re wu nị.

1 Ịtọpa 11:17

Eyi eehi aa tụra Idevidi, dị ọ ka, àa yẹ oni ò re ọza na dà enyi hụụnị ịkangga ana ya oze ọbanyị ana na ngụ Ịbẹtịrẹhẹmị va yị ọnị.

2 Ịsamụwẹrị 23:16

 nyị isoja ẹẹta aanị, dị ẹ sị ụkata-ụkata na ngụ udi isoja Anihwirisiti, dị ẹ na ká enyi hụụnị ịkangga ana yà oze ana a zị naa ngụ Ịbẹtịrẹhẹmị, dị ẹ sị va yị Idevidi nị. Idevidi o yi si ka ọnị ò hu ọ, dị ọ và a hi ẹtẹ yị Ẹnẹyịmavara nị.

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.