2 Ịsamụwẹrị 23:1 - IWE ỌNỊNỊ

¹ Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

2 Ịsamụwẹrị 23:1 Referans Kwoze

Ahẹ Ụgama 89:20

Ụ ka wê re Idevidi ozi ahụ awụ, dị ụ sị angwẹ awụ nyị ọ ka ọ̀vị ohinọyị nị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Emọsị 6:5

Dị ẹ yaa hama Idevidi jị ahẹ irenyi-irenyi nị. Dị ẹnị re mẹ̀ isohu ẹnịnị anka Idevidi nị.

Ahẹ Ụgama 72:20

Ịzẹnị aduwa oni Idevidi Ozi Ijeese mẹ ta tụ́ nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

1 Ịtọpa 16:9

Waa jị ahẹ gono o nịnị, waa kà ịtọmatapa ọnị ọ mẹ yị aza nịnị.

1 Ịtọpa 16:7

Ịhị ọnọọ ọ vị ịpaapa ọnị Idevidi nyị Asahwi ọnịrị anda ẹnịnị Anireevi ana vọ ka ẹnịnị ẹẹ jị ahẹ, dị ee gono Ẹnẹyịmavara nị.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

Ijemiisi 5:13

Àa nyị ọza anaa rị ụya ịnị ẹngụ awụ nịnị, ọza ọnọọ ọ̀ mẹ̀ aduwa hi Ohomorihi. Àa nyị ọza ọnị ịnẹ anị ee hine, ọza ọnọọ ọ̀ọ jị ahẹ ga Ohomorihi.

Iruuku 20:42

Idevidi ọnị nyẹmba ộ kà a ini iwe ahẹ ụga ka: ‘Ohomorihi ộ kà a yị Ananyị mị ka: Yaayịtẹ éyi ụvọrị amị

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 18:7

Dị anyẹnẹẹ ẹnẹẹ ana aa mẹ aahẹ aa jị ahẹ ka, “Ịsọọrụ ộ wụ̀ aza ẹnị akahị, ama Idevidi ọnị vị ana wụ̀ aza ẹnị atomiroku.”

2 Ịsamụwẹrị 22:34

Ộ mẹ ka mā rẹ anka akọnọ, emee zwe echi ịnị ataba, ọ yị zẹẹ ka à nyị ịsị ẹ mẹ̀ mị.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

Ahẹ Ụgama 89:21

Ụ rẹ ka ụ vaa gụ ọ ụvọ dị ụ sị ụkata yọ.