2 Ịsamụwẹrị 22:3 - IWE ỌNỊNỊ

³ Aha ẹvagu nganganga Ohomorihi amị vị, Ịda anị mị zwe na tẹ̀, ọnị ee sere mi nị. Ụkata anị aa sị dọ mị tụ́ nị, ịda anị ọ vị aha ẹvagu ọnị mị na tẹ̀ tụ́ nị.

2 Ịsamụwẹrị 22:3 Referans Kwoze

Ahẹ Ụgama 9:9

Àa mẹ ehunaa yị ọza, di o zwe na vaka Ẹnẹyịmavara nị, ẹ yị nyị ịsị ẹ kụkụ zụ kanyị ọza ọnọọ. Ịrẹyị òo tù ọza di o zwe nọ ịda Ẹnẹyịmavara nị nyị ịsị ẹ kụkụ zụ na kanyị ọza ọnọọ vụrụ-vụrụ.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ụhịrẹyị 30:5

Avaba ịrẹyị Ohomorihi vị ịzẹyịza. Ọnị ọọ̄ dọ aza ene zwe na rị ọ tụ anka ogonto avọọ nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Anihiburu 2:13

Ọ rẹ kà a ka, “Mị vaa sị ayịị tụra Ohomorihi.” Ọ rẹ kà a ka, “Ẹmịrị ezi oni Ohomorihi sị yị mị, yị.”

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Ahẹ Ụgama 144:2

Ọnị ọ vị Ohomorihi amị nị. Ô sì ịrẹyị amị, ịda anị mi zwe na tẹ̀ nị. Ọnị ọ sị mị tẹ ka asị a nyị ịsị ẹ zụ kanyị mị vụrụ-vụrụ, dị aa dọ mịị tụ́ nị. Ịda anị mi zwe na tẹ̀ nị. O reè hụ́ anẹkụra ẹtẹ yị mị.

Ahẹ Ụgama 59:16

Ama ẹmị vaa jị ahẹ dị maa kà a ụ mẹmẹ nyị ụkata Ẹnẹnẹ vị ọnị mị vaa jị ahẹ ka ụụ̄ sì ịrẹyị ọza Ịrẹyị ọ̀ọ vẹ, ịda awụ m mee zwe vaa tẹ nị Ewee sere mị ka asị a nyị ịsị ẹ mẹ̀ mị nị.

Ahẹ Ụgama 14:6

Ịsị aza ana vị ọkụmị ẹ̀ẹ ka ẹnị aa mẹ dị aza edivi za a di e du ọ hi wa ụvọ. Ama Ẹnẹyịmavara vi ene eē sere ọkụmị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ahẹ Ụgama 140:4

Ẹnẹyịmavara, asị ụ navọ ka aza edivi è re oze mẹ mị ịrẹyị. Aarịhịnị asị ụ zẹẹ ka aza ene ee sì ka ẹnị ẹ̀ wụ̀ ọza ẹ zụ kanyị mị Aza ẹnẹẹ vi ene ee sì ka ẹnị ẹ̀ gụ mị hyẹdụ.

Ahẹ Ụgama 55:9

Ẹnẹyịmavara, asị ụ navọ ka aza edivi ẹnẹẹ ẹ̀ kụkụ yẹ ịsị ẹ yaa kà navọ asị ịrẹyị ẹnịnị kụkụ jịrị ẹngụ Ebira ụkata-ụkata ọnịrị ịrazị kẹnẹ ẹ kụ́ hi ịnị ẹkụra nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Iruuku 1:71

A vaa dọ yịị ha hụụnị ụvọ ọnịvị ayị nịnị ọnịrị hụụnị avaba aza ana aa kụ́ ayị ayị.

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ahẹ Ụgama 140:1

Ẹnẹyịmavara, navọ wa dọ mị tụ́ hụụnị ụvọ aza edivi. Asị ụ navọ ka aza ene ee sì ka ọnị ẹ̀ wụ̀ ọza ẹ̀ zụ mẹ mị ịrẹyị.

Ahẹ Ụgama 86:14

Ohomorihi, wéē re aza ana aa mẹ eyii zị màa dụ mị. Aza ẹnẹ ẹ̀ yị mā vayị ọza ee sì ka ẹnị ẹ̀ wụ̀ mị Aza ẹnị maa kà aanị ẹ yị hị́ ịrẹyị awụ ịrẹyị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Ụgama 84:9

Ohomorihi, navọ wa kana eyi re ọza ọnị ụ ka ọ̀ dọ yị tụ́ mị ka wa navọ wa mẹ ka ò zee yị ọza ọnọọ ọnị ụ nyị.

Ahẹ Ụgama 72:14

Ohinọyị vaa dọ waa tụ́ hụụnị ụvọ ọza ana aa mẹ ẹvaya yị wa, dị aa chamayị yị wa. Ohinọyị ọ yị vaa sị ịrẹyị ẹnịnị tụ́ ụvọha vụrụ-vụrụ.

Ahẹ Ụgama 71:7

Ẹhẹ amị vị ana sị mẹẹ anka ọpọtẹrẹwa avọ ini eyi aza ọrụrụ-ọrụrụ. Ama ẹwa sị mị tẹ, dị à yị nyị ịsị ẹ zụ kanyị mị nị.

Ahẹ Ụgama 61:3

Ohomorihi, ẹwụ ee sere mị ka asị a nyị ịsị ẹ mẹ̀ mị, nọ Wẹ yị zẹẹ vụrụ-vụrụ ka ọnịvị ò re oze kanyị mị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ahẹ Ụgama 28:7

Ẹnẹyịmavara aa sị ụkataa mị nị ọnị ọ rẹ ẹ̀ yị zẹẹ ka à nyị ịsị ẹ ka nyị mị nị Mâ sị ayị tụra a, ọ raà gụ mị ụvọ mị kụkụ aa jẹ, mee kú iriga mị vaa jị ahẹ kụ́ ọ avọ.

Ahẹ Ụgama 27:5

Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ. Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.

Ahẹ Ụgama 5:12

Ẹnẹyịmavara, mâ yẹ kaakara ka ụ vaa mẹ ka ò zee yị aza ana aa mẹ̀ ebira oni u sì. Wâ mẹ ka ò zee yị wa eyi ụvọnị-ụvọnị wẹ yị zẹẹ ka à nyị ịsa odivi ana kanyị wa.

Ahẹ Ụgama 3:3

Ama ẹwụ Ẹnẹyịmavara, ẹwụ vị ana maanị jesi kara mị okiri-okiri wẹ yị zẹẹ ka à nyị ịsị ẹ kanyị mị. Wâ sị ụbanyị mị dị ụ mẹ ka ma nyị ehuna nị.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

2 Ịsamụwẹrị 22:49

Ọnị ọ tụ̀ mị hụụnị ụvọ ọnịvị ọnịrị aza ana kwẹẹtẹ tù mi. Ộ dọ mị hụụnị ụvọ enezigi, dị ọ sị mị nyị ẹbẹẹba anị nị.

1 Ịsamụwẹrị 2:1

Ịhaana ộ mẹ̀ aduwa dị ọ kà, “Ẹnẹyịmavara ọ raà mẹ̀ ka maa jẹ ịrajẹ; Ayị amị vị ana nyayịnẹ hine agụvị ịsa ọnị ọ mẹ̀ yị mị. Ma nyẹngụ jẹẹ ọvịdị ọnịvị amị, di mee nyi wa unyi. Mâ dà jẹ kẹnẹ ka Ohomorihi ọ raà dọ mị tụ́.

Iwe Ọhụhị Imosiisi ana aa hị́ Ọyịvatụrọda 32:37

Ịjọnọọ Ẹnẹyịmavara vaa họ̀ aza anị use ka ịzị ori ẹbanyị-ẹbanyị ọnị ệ vavọọ sị ayị tụra ya?

Ịtayịtọsị 3:6

Ohomorihi ộ mẹ̀ ka Ụhwẹ Ọnịnị anị ọnọọ ọ̀ va dọ avaba ayị ayị ini oze Ijeesu Ikirisiti Ọdọzaha ayị.

Ịtayịtọsị 3:4

Ịrẹma ẹnẹẹ, ụmẹ ọnya kẹnẹ, dị Ohomorihi Ọdọzaha ayị sị zụ̀ ka ọnị ọ́ọ ngụ ayị aza, dị o re sì ịrẹyị aza nị.

Iruuku 1:47

Mâ da jẹ agụvị Ohomorihi Ọdọzaha amị,

Ijeremaya 16:9

Ẹnẹyịmavara Ochẹtẹẹngụ ka Ijeremaya ọ̀ wụ ịsị ọnị Ohomorihi Anisirẹrị nịnị aa kà. Eyi awụ-eyi awụ, ọnị vaa mẹ̀ ẹ dị aza ẹ́ ma vana wụ́ aahẹ ka aza aa jẹ ịrajẹ ọnịrị ka eyee hine ayị. Ẹ́ ma vana nyị ka vị aza aa nyị ẹngụ anka ẹvarose dị ẹ yaa mẹ aahẹ nị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ahẹ Ụgama 32:7

Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya dị maa jị ahẹ ka wa sị mị dọ tụ́.

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.

2 Ịsamụwẹrị 22:31

Ẹwụ Ohomorihi, ẹwụ ē mè nyeeyi vụrụ-vụrụ. Ịsa ẹnẹ Ẹnẹyịmavara kà, ẹ yị nyị ireche o! Avaba aza ene zwe na vaka ọnị, avaba ẹnịnị o sere nị, ẹ yị nyị ịsị ẹ zụ kanyị wa.

2 Ịsamụwẹrị 22:47

Ẹnẹyịmavara ọnị vi ana yara pooro, ọnị aa dọ mị tụ́ nị. Â vọrọ ka asị ụbanyị yọ Ohomorihi aa dọ mịị tụ́ nị, Ọnị ọ nyị ụbanyị hu keekere nị.

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

Ọyịkụra 15:2

Ẹnẹyịmavara ọ vị ụkata amị, ọnị ọ vị aha ọyịtẹ̀ amị nị, ọnị ọ vị Ohomorihi ana ada amị hẹkẹ nị, mị vaa sị ọ ngụ ịrẹyị.

Ahẹ Ụgama 9:10

Ẹnẹyịmavara, aza ana yẹ wụ vị ana vaa sị ayịị tụra wụ. Â yị nyị ọza ana vẹ ịda awụ da, ọnị ụ dụ varẹma.

Ahẹ Ụgama 46:2

Ọnọnị ọ mẹ ka asị angwa rè hi yi nị Ọ̀ọ daka zee e eyi ẹhẹ òo zizi dị ataba ẹ̀ẹ hụrẹ vàa hi ini òkū,