2 Ịsamụwẹrị 22:23 - IWE ỌNỊNỊ

²³ Ẹ yị nyị ọda Ohomorihi ikonya ọnị mị jịnẹ. Avaba ọda ọnị ọnị mẹ mị sị ụvọ za nị.

2 Ịsamụwẹrị 22:23 Referans Kwoze

Ahẹ Ụgama 119:102

Ẹwụ ụvọta ọ sị ọda awụ kọ mị nị, mẹ yị zẹẹ ka ma há hụụnị anị.

Ahẹ Ụgama 119:30

Ịzẹyịza m mee sì ka maa mẹ̀ nị, ma raà sị ayị amị tụ́ ịnị ọda awụ.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Ahẹ Ụgama 119:128

Avaba ebira akụvị vị ana nyị mị ịhyẹrẹ, agụvị ka mâ yẹ ka avaba ọda awụ vị ana vọrọ.

Ahẹ Ụgama 119:86

Avaba ọda ọnị ụ mẹ ọ rụra sị ayị tụra. Navọ wa gụ mị ụvọ ka aza aa sị ụyaa rị mị ọọhẹ kẹnẹ-kẹnẹ.

Ahẹ Ụgama 119:13

Avaba ọda ọnị ụ mẹ vị ọnị mị vaa sị irenu amịị kà.

Ahẹ Ụgama 119:6

Màa vavọọ aa sị ụvọọ za avaba ọda ọnị ụ mẹ, ụhị ọ yị vaa nyị mị.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 7:12

“Wàa wụ ọda ẹnẹnị nịnị, dị ụ sị ịzẹyịza aa saasa wa nịnị nị, ịjọnọọ, Ẹnẹyịmavara, Ohomorihi awụ nịnị vaa jẹẹ ịrẹsụ oto oni o wo yị wụ nịnị. O vee sì ịrẹyị awụ nịnị pooro anka ọ́ mẹ̀ wo oto yi ohiku awụ nịnị.

Iwe Ọhụhị Imosiisi ana aa hị́ Ọyịvatụrọda 17:20

Ọsọnị ọ vaa mẹ ka asị o ro ka ọnị o huna anda ẹnịnị ana vọ.