2 Ịsamụwẹrị 22:1 - IWE ỌNỊNỊ

¹ Ẹnẹyịmavara mẹ̀ maanị sị Idevidi dọ tụ́ hụụnị ụvọ avaba ọnịvị anị ọnịrị hụụnị ụvọ Ịsọọrụ, di Idevidi maanị ahẹ ọnọnị nị

2 Ịsamụwẹrị 22:1 Referans Kwoze

Ọdọvịdị 5:1

Ịhị ịrẹkụ ọnọọ ji gẹdẹ-gẹdẹ, Idebora ọnịrị Ịbarakị ozi Abinowami jị ahẹ ọnọnị nị.

Ọyịkụra 15:1

Ahẹ oni Imosiisi ọnịrị Anisirẹrị jị gono Ẹnẹyịmavara ịhị ọnọọ yị: “Maa jị ahẹ gono Ẹnẹyịmavara agụvị ka ọ sị ọnịvị amị huna, ọ raà sị zụ̀ ka ọnị Ộ nyị ụbanyị. Umaata ọnịrị onumaata vị ọnị ọ tụ́ ụvọ và hi òkū.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ahẹ Ụgama 50:14

Ịsọvọ awụ ọ vị ka waa kụ́ Ohomorihi avọ ịsị wàa kà ka wa mẹẹ yị Ohomorihi ọgọdọgọdọ ọnị ụvọ ọza è yi mè tù di ụ rẹ vavọọ mẹ̀ ẹ yọ.

2 Ịsamụwẹrị 22:49

Ọnị ọ tụ̀ mị hụụnị ụvọ ọnịvị ọnịrị aza ana kwẹẹtẹ tù mi. Ộ dọ mị hụụnị ụvọ enezigi, dị ọ sị mị nyị ẹbẹẹba anị nị.

1 Ịsamụwẹrị 27:1

Di Idevidi ve ro o, dị ọ ka wáá yẹ ka Ịsọọrụ vaa za ọnị ẹkụhị ọnya, dị ọ wụ ọnị. Dị ọ ka ịsị ẹ gụ hu ọ vị ka ọnị ò zwe nọ ịnị ẹtẹ Anihwirisiti nịnị nị. Ọ kà Ịsọọrụ ọ yị kuku vee sì ọnị aha ọnyọọnyị ịnị ẹtẹ Anisirẹrị ọ ka ịjọnọọ dị ọnị sị há hụrẹ ẹ ụvọ.

1 Ịsamụwẹrị 26:24

Anka m mẹ̀ yị mẹ̀ dọ wu ụhwẹ ajịnị aanị, avọọ Ẹnẹyịmavara ọnị ọ̀ yị mẹ̀ rẹ vaa dọ mị ụhwẹ nị. Ọ raa dọ mịị hụụnị avaba akanya.”

1 Ịsamụwẹrị 25:29

Ọ kà ọza ọ̀ọ daka ee sì ka ọnị ọ wụ Idevidi, ama Ẹnẹyịmavara ana vị Ohomorihi anị ọ yị vaa zẹẹ. Ọ kà ọnịvị Idevidi vị ẹnị Ẹnẹyịmavara vaa dọ ụhwẹ, di o ne e ta anka a mèe ne ịrẹta hụụnị irova avọọ.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

1 Ịsamụwẹrị 23:14

Idevidi ọ na yà ịnị avị ịzị aa hị́ Izihwi, dị ọ nọ aha ọyịtẹ̀ ịnị ataba ịzọọ, dị ọ na tẹ̀ nị. Dị Ịsọọrụ ee sì ọ eyinị-eyinị nị, ama Ohomorihi ọ yị sị Idevidi chire e ụvọ.

2 Anịkọrịntị 1:10

Ohomorihi ộ dọ yị hụrị ụvọ isu ene si tù yi gede-gede. Ọ rẹ vaa dọ yịị há. Yâ sị ayị tụra a ka ọ vaa dọ yịị há.

Iwe Ọhụhị Imosiisi ana aa hị́ Ọyịvatụrọda 31:30

Ịjị avaba aza sị gụ, dị Imosiisi vatụra ahẹ ọnọọ jị́, di e batọ, dị ẹ wụ́ nị.

1 Ịtọpa 16:7

Ịhị ọnọọ ọ vị ịpaapa ọnị Idevidi nyị Asahwi ọnịrị anda ẹnịnị Anireevi ana vọ ka ẹnịnị ẹẹ jị ahẹ, dị ee gono Ẹnẹyịmavara nị.

2 Ịsamụwẹrị 12:7

Di Inatanị va kà a yi Idevidi dị ọ ka, “Ẹwụ gẹdẹ-gẹdẹ ọ vị opisa ọnọọ nọ! Wụ́ ịrẹyị ẹnẹ Ẹnẹyịmavara ana vị Ohomorihi ana Anisirẹrị aa hẹkẹ kà oo! Ọ kà ọnị ộ nyị wụ ka wa rị ohinọyị Anisirẹrị. Dị ọnị dọ wụ tụ́ hụụnị ụvọ Ịsọọrụ nị.