2 Ịsamụwẹrị 21:15 - IWE ỌNỊNỊ

¹⁵ Ịnị ụmẹ ọnya ịrẹkụ ọ rẹ sị chị yị Anihwirisiti ọnịrị Anisirẹrị. Di Idevidi ọnịrị aza anị chi na, dị ẹnịrị Anihwirisiti na kụ̀ ịrẹkụ nị. Ama ọ sị ngụ Idevidi ẹngụ.

2 Ịsamụwẹrị 21:15 Referans Kwoze

Ịrẹyị Ọzwọzịsa 12:3

Ịjọnọọ dị ụvọ ọnị we sii sere ẹngụ awụ kụkụ aà da ẹgahị, dị ahụ awụ ana jẹ barịbarị aanị kụ tụ ọkụmị. Ịjị anyị ọọ sị tụ ikonyi ikonya hi u irenu dị wẹ yị kụkụ zụ tọ́ ịsa nị. Eyi awụ sị mẹ wura-wura dị we yị kụkụ re ẹtẹ ẹtẹẹrẹ.

Ahẹ Ụgama 71:9

Ohomorihi, aarịhịnị kwogwo, mèe si bo, dị mẹ̀ yị kụkụ nyị ụkata nị, asị u nē mi ta.

1 Ịtọpa 20:4

Ọ naa daa kù chee, dị ịrẹkụ rẹ chị yị Idevidi ọnịrị Anihwirisiti nịnị ẹtẹ Ịgẹzẹrị nị. Â nyị ọnọrụ ana aā hị́ Isibekayi, hụrẹ ẹkụra ana aā hị́ Isipayi nị; dị e huna Anihwirisiti nịnị nị.

2 Ịsamụwẹrị 5:25

Dị ahịka Ẹnẹyịmavara mẹ̀ kà Ídevidi rẹ mẹ nị. Dị ọ vavọọ wụ̀ Anihwirisiti nịnị huu hụrẹ Ịgẹba na ngụ Ịgẹzẹrị nị.

2 Ịsamụwẹrị 5:22

Ẹkụhị ọnya di Anihwirisiti nịnị rẹ vẹ, dị ẹ rẹ chaka hi ini ozi Irehwayimi nị.

2 Ịsamụwẹrị 5:17

Anihwirisiti mẹ̀ wụ́ ka a raà si Idevidi rị ohinọyị Anisirẹrị, dị ẹ nyayịnẹ hara ẹnya ịrẹkụ di e si hu ee nee sì ọ nị. Idevidi ộ wụ́ ka ẹ yaa vẹ, dị ọ na tẹ̀ ịzị isoja naa tẹ nị.

Ahẹ Ụgama 73:26

Ma nyẹngụ vara ọkụmị, dị mẹ yị hyakụ kụkụ yẹ ịrẹyị, ama Ohomorihi aa sị ụkataa mị ka ma zụ yẹ ịrẹyị nị. Ọnị ịnya kẹnẹ m mee sì pooro nị.

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

2 Ịsamụwẹrị 21:16

 nyị ọnọrụ ọnya aanị ana aā hị́ Isibi-Ibenobi ọnya ịnị ịpa aza ana hụ ẹtẹẹtẹrẹ ọ vị nị. Ọha anị ộ rata ẹnẹmẹhị, ộ gụ ikirogirami ẹẹta rị ẹjịjị. Enyusẹ ana aā hị́ ibironzi a sị mẹ̀ ẹ nị. Ộ hara ụhwọ ọwọọwa, dị ọ ka ọnị aa wụ Idevidi nị.

2 Ịsamụwẹrị 8:1

 nyị ụmẹ ọnya oni Idevidi ọnịrị Anihwirisiti sị na kụ̀ ịrẹkụ dị ahịka Idevidi o hu wa ẹtẹ nị. Di Idevidi dọ ẹkụra ana aā hị́ Imetegama hụụnị ụvọ Anihwirisiti nịnị nị.